|
|
|
|
|
《我是岁月你是星辰》“程蔚蓝”剧照 |
|
|
|
|
|
《我是岁月你的星辰》“金小鱼” |
|
|
|
|
|
|
|
|
|
|
|
|
|
|
|
|
|
|
过年啦！又係一年一度与亲戚“高手过招”、同朋友到聚会party“争奇斗艳”嘅时候啦！出席呢啲场合需要搭配点嘅妆容咧？优秀美艳“千金妆”、元气满满嘅“蜜桃妆”，定係自然通透嘅“乖乖串门妆”？今期Color就帮大家整理咗一个星期唔重样嘅靓靓妆容，包保你新年吸睛又吸“金”！ 王婷/文 梁洛郗/模特 昇耀文化、《我是岁月你是星辰》剧照/图 人生赢家 团圆饭一家人齐齐整整，最容易俾长辈“盘问”事业、感情等等问题。呢个时候，化翻个简单得嚟又不随意嘅“千金妆”就最啱啦！佢底妆服帖眼妆细腻，腮红同修容都淡淡哋咁，显得气色好个人又精神，十足“人生赢家”咁，长辈见到，唔洗审都一定觉得你“捞得好掂”！ 好似《我是岁月你是星辰》中，由陈仟钰饰演的“程蔚蓝”就用呢款妆容完美诠释医生角色啦，佢事业有成，同好姊妹又互相珍惜，真係“人生赢家”！ 活力元气 元气少女妆嘅重点係腮红！大胆以打圈方式扫上腮红，卧蚕加重闪粉嘅点缀，令妆容更俏皮甜美。亮色嘅唇膏最好同腮红同色，咁可以令五官立体又干净，眼仔大大又炯炯有神，显得元气满满添活力！陈意涵喺《我是岁月你是星辰》中饰演“金小鱼”，善良单纯笑对命运，每个定格嘅瞬间都元气满满，用嘅就係呢种活力元气妆啦！ 清爽旺财 多金自然更“吸金”！金棕色眼影高级又显得贵气，弱化腮红可以令眼妆跟明显。金橙色嘅唇彩同眼影可以衬翻，令全妆更和谐清爽。重点係要将头发梳起，等自己个“富贵相”尽量显露出来，神采飞扬更“旺财”嘛！ 开运当头红 开年一定要“红”运当头。“开运妆”嘅精髓就係要“红”！粉红眼影加翻少少粉红闪粉做提亮，腮红可以适当搽深少少，最后再用腮红刷上嘅余粉扫一扫鼻尖。红粉霏霏嘅妆容显得个人好乖巧，自然又舒服，趁翻个红而不俗嘅唇色就perfect晒啦！ 行走荷尔蒙 想摇身一变，从“乖乖女”变身男神“收割机”？眼妆就要落足功夫啦！深邃眼妆嘅秘密，就喺眼尾叠加深色做渐变效果，眼睛瞬间变得有神，眼头加翻少少高光做提亮，眼睛即刻就迷死人。最后搽翻个镜面水润樱桃唇，诱惑度即刻上升，迷倒男神话咁易啦！ C位秘籍 朋友聚会嘅时候，姊妹都set到自己“鬼火”咁靓！呢款妆容以“闪”致胜，眼影用人鱼姬色晕开，卧蚕部分加重闪粉，令成对眼光芒四射。唇膏用高饱和度嘅鲜艳颜色做底，晶莹水润营造丰唇效果，影相嘅时候拗个chok啲嘅造型，C位焦点非你莫属。 访客乖乖女 过年无论见亲戚长辈定係朋友，最讨喜嘅莫过于“温柔可爱的乖乖女”。拖尾嘅眼线打造无辜眼妆，可以瞬间让你化身乖巧少女，睇落冇乜“攻击性”。大地色眼影几时都咁百搭，橘红色口红又俾人自然嘅感觉，整体妆感唔强但精致可人，串门访客实人见人爱。
