|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
新嘅一年已来临，多部电影都已经排队就位、陆续上画，势要令大家度过充实嘅一年。其中“开心麻花”团队冲劲十足，核心成员沈腾、马丽、艾伦齐齐出动，分别抢占2022档期，为观众发射笑弹：《四海》巨星云集“开车”去云游；《超能一家人》冤家聚首，触发奇葩异能；《这个杀手不太冷静》万能CP再加百变造型……2022一定够嗮开心！ 郭玮/文 海报、剧照/图 杀手贺岁，变幻莫测 壮志未酬嘅男演员，终于如愿成为男一号，千钧一发之际，却落入危机四伏嘅“杀人”阴谋，演“杀手”变成咗真·杀手，最终可唔可以化险为夷？依然都係未知数。“开心麻花”首席“麻花”马丽喺电影中百变又亮丽：一阵係着貂皮大褛嘅贵夫人，一阵又变身白套装配斜帽嘅名门贵族，换身波点裙即变复古多金大小姐，就好似佢被誉为喜剧界嘅万能CP咁，无论搭边个都够嗮抓马。《这个杀手不太冷静》嘅戏名，食晒经典大片个朵，令人忍唔住窥探佢究竟内容有几劲爆，作为进军春节档期嘅“开心麻花”出品，点可能令人失望？ 万千星辉，四海奇遇 离谱父子喺云游四海嘅旅途上，偶遇各种奇人异事，一行人携手前行嘅同时，改写咗人生。由韩寒执导嘅《四海》，係刘昊然同沈腾嘅首次合作 ，昊然曾经凭《唐人街探案》系列电影，霸屏春节档，今次搭档开心麻花台柱沈腾，两人你一言我一语变“社牛”，用“废话文学”与陌路人做friend，搞笑效果一定非同小可。呢部电影另一个值得关注嘅看点，就係众多明星云集，特别係邀请陈小春、黄晓明等实力派大咖加盟，星光熠熠、阵容强大，好值得期待！ 超能聚会，无所不能 晓飞天嘅姐姐、打不死的爷爷、爸爸识隐身、妹妹力大无穷……明明係身怀绝技嘅一家人，聚埋一起却会“面阻阻”，个天都睇唔过眼了，係都要佢哋“和睦相处”，先可以触发技能至top power，“超能一家人”被迫无奈，只好咬牙集结！沈腾可谓“身兼多职”，啱喺《四海》演绎“社牛”父亲，嚟《超能一家人》搭档艾伦，又变身进口反派，为谋利益不择手段，因为“搞笑”DNA傍身，登场就嚟个“一字马”，由头到脚都有不容错过嘅笑点。超能打、超能跑、超能扛嘅一家人，同“开心麻花”强强联手，一定能令大家笑到见牙唔见眼！
