|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
众所周知，广州有好多新潮好玩嘅地方可以打卡，唔少靓店都会令大家玩到流连忘返嘅。趁住周末同就嚟嘅新年假期，Color同你一起睇睇近在眼前嘅好地方。你仲未去过？快啲搵个时间，约埋三五好友一起去潮叹生活啦！ 郭玮/文 Color团队/图 东山口 无限回味嘅童年 东山口嘅红砖小洋楼，隐藏住满载童年回忆的玩具潮展。巴斯光年、哆啦A梦……陪伴你我他长大嘅“朋友”全部都喺呢度，唔使惊“整亲”佢哋，因为老板话，零距离接触係为咗还原“玩具”最纯粹嘅本质。好彩嘅话，会遇到潮流艺术家喺艺廊摆展，无限可能性值得期待。门外庭院左边就係OHO COFFEE，定期更新嘅咖啡豆、独树一帜嘅出品令人不断有惊喜！ Xpool Space x OHO COFFEE 地址：越秀区均益路5号 营业时间：周一至周四 10:00-18:30 周五至周日 10:00-19:00 风流外表深沉学者 逵园係广州武打侨园之一，1922年由旅美华侨马灼文建造，依家係一个文物保护单位。佢就好似一位文静又深沉嘅学者咁，向世人低调“炫耀”自己过去嘅风流。逵园内部被打造成一个艺术展厅，定期有唔同艺术家喺度展览，室内保留咗原本古朴有韵味嘅设计，新潮展品同对称规律嘅老花地砖，衬埋一啲都唔违和，啱晒潮玩文艺嘅朋友得闲过嚟打卡！ 逵园 地址：越秀区恤孤院路9号 营业时间：周一至周五 11:00-18:00 周六至周日 11:00-20:00 日出日落双面伊人 藏在静谧民国小洋楼中的“Wilber’s 日啡”白天係café，为顾客提供季节限定嘅创意咖啡同特调饮品，安抚住每颗躁动的心；各式甜点小食好有心思，同店主嘅藏品一样细细品尝会发现个中惊喜；日落之后 呢度就会摇身一变成为无国界西餐厅，吧台成为酒吧，方便大家感受微醺时刻。绿植环绕嘅外墙同复式顶层嘅小露台，好似一片闹市中心嘅安静绿洲咁，迎接每日想忘记烦嚣，享受片刻宁静嘅打工人。 Wilber’s 日啡 地址：越秀区竹丝岗二马路62号（近农林下路） 营业时间：周二至周日 11:00-24:00 独一无二嘅香气 “白鸟之歌”係集香气、咖啡、艺术同诗歌与一体嘅小众概念香水店。香水区陈列咗琳琅满目嘅小众香水，和气味有关嘅美好呢度都有。除此之外，咖啡分区&艺术展示区都係唔少顾客流连打卡嘅地方。庭院弥漫咖啡豆浓郁嘅芬芳，据说焦糖拿铁最受欢迎；艺术展区不定时仲有独立品牌、跨界艺术家等联合策展添。 白鸟之歌 地址：越秀区恤孤院路2号（培正小学西门对面） 营业时间：周一至周日 11:00-20:00
