|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
“食在广州”从来唔係浪得虚名！今期，我哋Color嘅美食品鉴官“味成年阿辉”，带大家逛遍广州城中4区，尝最有粤味嘅食肆，经典老店、新派食堂，粥粉面饭、煎炒炆炸样样俱全，梗有一味啱你心水！ 王婷/文 味成年阿辉团队/图 新派有惊喜 港式粤菜“餸上门” 无论係装修风格，定係菜牌设计，“等我餸上门”都充满浓浓港式风情！菜品方面，一定要试下辉哥特别推荐嘅“椒盐粟米”：粟米经过高温烘烤后，馥郁的椒盐香气中，渗透住淡淡的粟米甜香，每一啖都係香味对口腔与鼻腔的双重暴击。仲要虾头有半只手掌咁大嘅奶油大头虾，肉质弹牙鲜美，最紧要係每只虾头入边都有金黄色的虾膏噶！试过上面两款“上火”菜式，一定要点翻份“捞起生肠”：入口冰冰凉凉，啱好缓解了舌头嘅热辣，仲有厚实嘅生肠口感令人欲罢不能！ 等我餸上门（天河南店） 地址：天河区天河南二路19-21号宏发大厦一楼13-1 营业时间：11:30-14:00；17:00-次日01:00 原汁原味牛腩“宴” 陈小春开嘅“七爷清汤腩”，座位宽落，装修以“橙、绿”搭配为主，十分醒目。呢度嘅牛腩用嘅是爽腩，即广东人经常讲嘅牛白腩，连住一块薄薄的筋膜，吃起身爽脆弹牙。而为咗最大限度的保留牛白腩原本嘅风味，七爷用嘅係清汤的做法，淡淡的胡椒香味，现时天冻，啱好可以暖暖胃。为咗保持同牛白腩一致的口感，面条都用咗广东人常见嘅“碱水面”，筋道十足。另外牛肠、金钱肚好爽口噶！值得一提嘅係，碗底嘅宝藏萝卜，每一口都係独有的清甜，千祈咪走宝啵！ 七爷清汤腩 地址：天河区猎德大道2号西浦大街1-13幢 营业时间：10:30-22:00 经典返寻味 伊面之光 一入门口就已经感受到年代感气息扑面而来，半开放式厨房、油炸过嘅鸡蛋伊面、点单阿姨撕落嚟嘅嗰张手撕小票，十几年都冇变过。坚记面店嘅明星产品——伊面，又称“伊府面”，係一种经过油炸塑形的鸡蛋面，非常适合干拌，有点似而家嘅即食面。牛腩捞长寿伊面係呢度嘅招牌，大块的牛腩为咗方便食客食用，事先经过长时间的高温炖煮，入口即化。而炸酱面就整体偏甜，有淡淡嘅陈皮甘甜，用嘅係全蛋面，少咗碱水面嘅筋道，反而多咗一丝细水长流嘅软糯，一样令人食到停唔到口噶。 坚记面店 地址：荔湾区长寿东路303号 营业时间：06:30-20:00 食鸡最正斗 老字号嘅老广饭堂，坐落于华贵路边，如果你想要嘅係阔落明亮的环境、松软的座椅，呢家店可能满足唔到。老细作为地地道道嘅广州人，待客热情友善，店入边嘅服务员都好随和。叫得老广饭堂，性价比梗係冇得顶，半只本地鸡只要45蚊，盐焗、白切、手撕任君选择！老板仲话，以前嘅人很穷，因此每一分嘅食材都不想浪费，每次见到人哋买鸡都剩咗很多鸡杂，于是就有咗经典菜式菜心炒鸡杂！唔好小睇呢道菜，菜心同鸡杂都要炒得爽口有锅气！至于地道粤菜五柳炸蛋，就唔洗过多介绍啦，相信大家都食过啦，炸鸡蛋加酸甜酱，酸甜开胃！ 醉贤居 地址：荔湾区华贵路12号 营业时间：11:00-14:00,17:00-20:30 ！
