|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
呢个时代乜都追求快，物件嘅更新换代亦越来越高频。有人崇尚“断舍离”，亦有人有怀旧情结，中意搜集在别人眼中已经过时的旧物件，视若珍宝！Color就发现有咁样嘅一班 “拾荒者”，佢哋仲创立专门嘅“旧物店”，时不时搞下聚会，分享呢份“玩旧”嘅快乐。旧物店店主殷大新就係其中一员，等佢带我哋去睇睇年轻人点样“玩旧”。 陈祉伶/文 陈祉伶、受访者提供/图 念旧 “每个人都会有少少嘅怀旧情怀。”大新话自己对旧物件嘅喜爱自细就有，小学时会收集啲以前用过嘅嘢或者一直保留人哋送嘅嘢，不过一开始都係冇意识嘅收集。直到大学之后翻乡下，发现好多物件明明仲可以使用，却因为已经过时就被丢弃，深感可惜。于是开始将“乱七八糟”嘅各种旧物件收罗翻屋企，大新笑称：“过年有亲戚嚟，就好似参观博物馆咁。”后来嚟到广州工作，呢份爱好一直保持。喺众多旧物件中，大新比较青睐于收集书信、相片，因为佢哋可以传达好多故事，通过一封信、一张相可以“窥探”到原主人嘅生活碎片。好似八九十年代嘅磁带、有质感嘅木制家俬亦係大新嘅心头好，佢觉得呢啲嘢同佢嘅生活有所交集，于是就承载咗一啲难以舍弃嘅回忆同情感。 搜旧 喺大新眼中，旧物就係普通人用过嘅物件，区别于古董，旧物嘅价值一般唔会特别高：“唔中意呢样嘢嘅人会觉得係垃圾，但钟意佢嘅人就会当宝。”大新係个比较佛系嘅“垃圾佬”，除非係特别钟意嘅嘢，其他就会比较随缘咁去收。不过其实搜罗旧物件嘅渠道都有好多种噶，可以去天光墟逛、鼠去拆迁楼执、或者喺闲鱼等平台收，仲有啲係朋友送嘅或者以物换物。比较有意思嘅係，有时旧物仲会係客人送嚟嘅添。大新话自己外出游玩时会收集当地嘅水同沙，跟住贴上标签写埋日期同地方。有一个厦门嚟嘅女仔，参观时发现咗佢哋，于是就将自己身上带嚟嘅一樽来自“鼓浪屿”嘅沙留咗喺度。 玩旧 大新搜集翻嚟嘅旧物件，一般都唔会进行太多大改动。“我间店叫‘玩旧士多’，‘玩旧’粤语嘅谐音‘挽救’。”每次淘回来的旧物通常就係进行简单清理，再拍照留底，跟住就归类放置。拭去旧物表面的灰尘，露出物件本来的颜色，就好似完成咗“重生”。随住旧物件越收越多，大新慢慢将好似仓库咁乱嘅店铺，逐啲整理，改造成可以打卡、或者租赁出去做活动嘅场地。店铺细细嘅空间，被他打造成多个有故事嘅旧物场景：琳琅满目嘅怀旧商店小士多、复古味浓嘅客厅、五光十色嘅小迪厅、出片率极高嘅书房……平平无奇嘅旧物件，置于特定嘅场景后，其生命就仿佛再次被唤醒，挑逗着每一个过路人，令佢哋忍唔住上前把玩。而且大新仲会不时在自家公众号“玩旧士多”分享旧物故事，组织一啲书友会、茶话会等关于“旧物和玩旧”的活动，吸引志同道合嘅朋友埋堆玩，都好有意思噶。 「玩旧士多」怀旧写真馆 地址：广州海珠区华洲路小洲村西园三巷10号（小洲村蚝壳屋旁边）【探店请预约哦】
