|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
新春假期回来，想以精致嘅妆容去迎接生活，咁就要留意一啲化妆嘅细节，例如check下自己嘅化妆手法到位未、粉底是否贴服？之前一出有意思嘅网剧《潇洒佳人淡淡妆》，就讲美妆博主穿越到古代教化妆，今期Color就有几个美妆tips可以醒大家，快啲嚟一齐学下，每日争做最瞩目嘅闪光少女！ 王婷/文 梁洛郗/模特 昇耀文化、《潇洒佳人淡淡妆》剧照/图 干燥拜拜更贴服 底妆唔贴服、卡纹卡粉的首要原因可能就係皮肤缺水，除咗平时做好补水保湿功夫之外，仲可以喺上妆之前敷一贴补水保湿嘅面膜。为了锁住水分，都可以用“拍”或者“擦”嘅方式上爽肤水同面霜，但如果係油皮，本身出油比较多，敷面膜就已经补足咗水分，可以唔洗用面霜。又或者大家可以试下，喺粉底入边加少少精华液，用呢种同样补水嘅方法维持皮肤湿度。干皮嘅朋友，可以喺粉底入边加1至2滴角鲨烷精油，令到上妆粉底持续滋润；而油皮嘅仙女，可以选择玻尿酸原液，同样係加1至2滴到粉底，保湿效果一样咁显著，妆后出嚟嘅效果，就会同《潇洒佳人淡淡妆》中鲁芳岐饰演的“胡莹”一样，贴服、自然又磢镜。 “蛋蛋”要吸水 一个妆容好唔好，首先就从底妆开始“打基础”。好多小姐妹喺打粉底嘅时候都会用到美妆蛋，但係用嘅时候可能会觉得有啲干，好难“抹”均匀粉底，咁接落嚟的妆感都会有影响。要消除呢个小“困难”，其实可以将美妆蛋用清水完全打湿，然后用纸巾包住佢，用力咁挤干水分再使用，防止过多水分稀释粉底。咁样做可以令妆容更加服帖，仲可以令粉底遮瑕效果增强添。喺《潇洒佳人淡淡妆》中，由孔雪儿扮演嘅“司妍”，妆容贴服又精致，虽然去到古代唔一定有美妆蛋可以用，但呢种“半湿”上妆方法先係精髓，用唔同嘅美妆工具都可以用到！ 定妆“小帮手” 呢几年先出现嘅定妆喷雾，越来越多受到大家的“重用”。依家出门都要戴口罩，有咗定妆喷雾帮手，出街行一日，都唔惊妆容会蹭花。喺完妆后的最后一步，就係佢solo嘅时间啦——上完底妆，先用散粉去定妆，最后用定妆喷雾就可以“固定”成个妆容。定妆喷雾喺固定彩妆嘅时候会锁住水分，仲可以控油，唔少添加咗高光成分嘅喷雾仲自带提亮效果。Color再私人醒大家一招，可以将后面两部合二为一，将定妆喷雾，喷喺美妆蛋上辅助上粉底，亦可以加强定妆效果。
