|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
新年假期再开心，够钟都係要准时开工噶！校园生活係青春记忆中最美好嘅时光，今期Color就同大家一起，扮个靓look撑起呢场青春盛宴！“学生装”唔等于枯燥嘅制服，平时巧用格仔裙、冷背心等“学生味浓”嘅元素衬翻下，减龄又时尚！ 郭玮/文 《青春本我》剧照/图 格仔最百搭 无论喺边个时代，格仔百褶裙同格仔西裤，都係打造“学生look”嘅必备神器！格仔裙上面有错综交接嘅线条组成网格，可以模糊线条嘅存在感。如果係稍微有啲肉感嘅女仔，就可以起到修身作用，偏瘦嘅妹子着上身，又可以膨胀视觉。百褶设计唔会太飘逸，就算长度偏短，show出大长腿，依然俾到人一种乖巧嘅感觉。格仔西裤比净色款要花俏一啲，可以令人眼前一亮，学生哥着唔会太成熟，上班族搭衬衫翻写字楼又得，衬T恤偏休闲就啱行街消遣，都几百搭易衬噶。 背心好磢镜 冷背心就係大家成日讲嘅毛线背心啦，佢係一种学生味好浓嘅服饰。学生哥嘅校服大多数都係浅色系嘅衬衫做打底，衬翻同样浅色嘅冷背心就特别清爽干净了。外搭嘅冷背心大多为V领设计，便于戴领带或者蝴蝶结，如果花啲心思穿件衫袖有设计嘅衬衫打底，露出嚟嘅小细节可能俾到大家惊喜。除咗“学生装”可以用冷背心打造，深色衬衫衬冷色系嘅背心，就非常适合职场人士，佢稳重得嚟又唔会显老，唔同嘅图案仲可以体现唔一样嘅气质，多备住几款，遇到乜场合都唔使愁啦！ 西装要fit身 同依家潮流兴嘅over size款西装唔同，如果想走“学院风”嘅穿搭，西装外套应该选fit身嘅款式，尤其肩膀位置要选啱尺寸。搭配上，女仔如果衬裙最好拣短款啲，可以拉长下半身线条，而且显得比较精神、活泼。男仔想俾人乖乖学生哥嘅好印象，一定要将衫领、袖口抚平抚直，细节企理最加分。天冻嘅时候可以衬多件冷背心喺入面，深浅撞色就增加层次感，书生得嚟不乏时尚感。 运动添活力 翻学时最令人心动嘅应该就係体育课！一套靓靓运动装仲可以令呢份“小鹿乱撞之心”加分添。爱篮球嘅ball boy一定会有背心球衣，单穿show出手臂线条的力量感；对身材唔够自信嘅男仔，都可以内搭T恤，揽个波就即刻好似代言人咁可以出片，扮运动、真摆拍都好OK噶。棒球服喺“学院风”造型入面嘅地位好重要，外披保暖增加活力，想时尚啲，又可以同有帽卫衣叠穿。如果觉得棒球衫外套太“学生味”，比较想要成熟小小嘅运动风，都可以试下冲锋衣，爽滑嘅面料防水又快干，活力悠闲唔幼稚。
