|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
《家族荣耀》里，马家几兄弟明争暗斗嘅戏码係米好引人入胜咧？除咗俾佢哋丰厚嘅家底，同过人嘅经商理财谋略所吸引之外，相信好多小仙女都有被佢哋嘅煞食外形俘虏到！新嘅一年工作啱啱开始，边位“男朋友”想要自己焕然一新下？不如跟住马家几兄弟，set翻个靓头，做个最似“上流社会”嘅上班族啦！ 郭玮/文 《家族荣耀》剧照/图 平易近人有决心 张智霖（Chilam）饰演嘅“马展鸿”，係马家三兄弟嘅堂兄弟，一心为复仇，用自己处心积虑嘅大计，逐啲逐啲咁捣毁马氏集团。喺剧中嘅发型多数为三七分界，清爽嘅发丝虽然冇用美发产品做造型，但整体讲究而贴服，未经染色嘅原发色，透露佢人设中嘅稳重性格。鬓角同发尾都用心修剪过，隐藏锋芒，睇落仲有平易近人嘅感觉添，可以感受到佢对“复仇”呢件事嘅谨慎和决心。如果你好似Chilam咁脸型偏圆，留呢个发型可以显得自己“无公害”、比较亲民一啲，减龄显活力！ 风流倜傥play boy 二哥“马耀祖”嘅人设，虽然令人大跌眼镜，“渣男”属性、人人唾弃！不过佢个look表面睇落，斯斯文文有内涵，有难怪会吸引异性嘅。微微有啲长度嘅刘海，对过于饱满嘅额头起到修饰作用，发际线亦因此冇咁明显；发梢整体碎剪，可以显得更加清爽轻薄。如果係发量比较多嘅朋友，就可以试下耀祖呢种碎剪嘅设计，斯文得嚟不失风流倜傥，迷人程度即刻上升一个level。 稳阵爱家好绅士 身为大哥嘅“马耀宗”，虽然传统到令人觉得佢有少少守旧，但换个角度谂，佢呢挺人万大事都求稳阵，係可以俾到人好多安全感嘅好男人类型！“大哥”平时最多就係梳传统嘅西装油头，固定到实一实嘅刘海，为佢增添咗几分成熟，彰显“大哥”嘅身份与地位；一丝不苟嘅发型，反映嘅係佢求安稳嘅内心，好识氹老婆嘅人设都几讨好嘎。如果大家想塑造自己“好男人”嘅形象，不妨试下学“大哥”咁，执正啲唔太整齐嘅炸毛，巧用gel固定好层刘海，“爱家型”绅士就係你了！ 进取天真多创意 正所谓“幺仔幺心肝”，罗子溢饰演嘅幺仔“马耀堂”就最得佢妈咪嘅欢心。而作为马家兄弟中年纪最细嘅一个，耀堂都係最有创意同谂法嘅一个。由始至终相信真爱嘅佢，喺“大家族”里面显得天真烂漫。年轻人嘅冲劲与行动力，都由佢嘅发型充分体现出来。油亮嘅发型设计，係佢对于造型嘅执着，有住自己身为“豪门”嘅讲究与作风；电卷就係佢勇于创新、追求创意嘅最大表现。
