|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
一双巧手，千变万化，魔术表演嘅魅力，边个可以抵挡？魔术师郭汛杰嘅表演，你可能喺唔少综艺见过，原来除咗贡献精彩表演，佢仲会参加节目嘅编排。大家今年一定都围观咗央视春晚，其中魔术节目顾问就係由郭汛杰担任，而江苏卫视元宵晚会等大型节目，都有佢嘅演出。佢眼中的魔术有咩特别？等我哋跟住佢，感受魔术嘅神奇魔力吧！ 王婷/文 受访者提供、陈祉伶/图 佢玩嘅係“野路子” 大家可能唔知道，郭汛杰原来係一个广州仔，佢与魔术的缘分，早在童年就结下。郭汛杰细细个嗰阵，就被电视中的《大卫·高柏飞》所吸引。睇到魔术师将自己变翻童年模样，又或者喺现场变出一场雪……虽然隔住屏幕，呢啲神奇嘅情景，都已经令郭汛杰着迷，成为佢脑海中一直抹不去的神奇记忆。12岁嗰年，佢无意中邂逅咗一家魔术店，自此开启魔术学习之路。郭汛杰会经常自嘲自己玩嘅魔术都係行内所谓嘅“野路子”。因为初学魔术时，要“入师门”并唔容易，于是郭汛杰就另辟蹊径，就係在网上和同好者交流、交换招数，靠住呢种埋堆交流嘅方式，摸索着慢慢学习。 现场互动考急才 前几年，魔术届代表人物刘谦老师开始参演综艺节目之后，魔术相关嘅节目层出不穷。《金牌魔术团》等平台，令郭汛杰有咗展现他的“金牌”舞台，随后佢仲参与过各大卫视嘅节目。不过，对比上综艺节目，郭汛杰话佢更加喜欢做现场表演：“现场表演同录制视频或者线上表演有好大唔同，Live就算係有状况，冇得修剪，非常考魔术师嘅急才。”正因为会有好多突发状况，现场表演显得更加真实，呢个亦係现场表演最有吸引力的地方。去年年尾，郭汛杰就曾来到羊城创意产业园嘅后车站餐厅，举办咗一场“魔术派对”，同观众们进行咗近距离互动。郭汛杰最喜欢同小朋友观众做互动，有啲可能因为怕丑，玩到一半就跑翻座位；又有啲小朋友玩得开心，就会突然锡你一啖……小朋友嘅天真可能会俾出你意外的反应，分分钟俾佢一秒治愈。 来一场“魔术社交” 好多人对魔术的印象会係：魔术会令人开心。郭汛杰再谂深一层，魔术可以令观众有一个“不可能、好得意嘅记忆”，同时魔术师也非常享受呢个能传递开心的“奇妙”过程，这样一来，魔术是不是可以变成一个社交载体，成为人与人之间愉快的连接方式？最近，郭汛杰会举办一啲“魔术会友”的沙龙活动，试下同唔同领域嘅人拍档，同行嘅人可以聚埋分享，keep住大家玩魔术、做魔术师。呢两年，大家嘅心情多少都会受到疫情影响，郭汛杰觉得魔术表演帮大家营造一种“生活可以係咁神奇”嘅状态，带俾大家欢乐同积极嘅想法。2022年，佢会将魔术小剧场结合酒吧一齐经营，通过各种表演，壮大呢支奇妙又令人开心的魔术师队伍，令观众睇表演更加尽兴。 潮人档案 姓名：郭汛杰 生日：1989年1月6日 星座：摩羯座 兴趣：魔术、旅行 2009年参加湖南卫视《金牌魔术团》获得总冠军，同时荣获“金牌魔术师”称号，曾被刘谦喻为“最高悟性魔术师”；2010年至2016年担任CCTV魔术专题栏目《魔法奇迹》常驻魔术师；2014年央视爱奇艺节目《大魔术师》，担任明星艺人导师，内容策划并出演；2017年江苏卫视中外魔术综艺《超凡魔术师》，代表中国队夺得全场总冠军；2018年出演江苏卫视春晚。
