![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
前段时间,胡芳芳举行新歌《I love you,sorry》嘅发布会上,一把特别嘅男声吸引咗Color注意。原来係啱啱从2021年《中国好声音》毕业嘅R&B小子——andy苏志尹。由一开始腼腆“社恐”,到后面嘅兴奋自信,今期Color就带大家一起进入andy天马行空嘅音乐世界,见证andy嘅成长! 郭玮/文 受访者提供/图 成长初舞台 对andy嚟讲,2021年係收获满满嘅一年:参加完《中国好声音》,喺舞台上完成咗两只原创作品,得到导师嘅赏识,收获新技能。andy话一开始,怕怕丑丑嘅自己,上台唱《失重的眼泪》会紧张到飙汗,后来同朋友交流多咗,又有张碧晨、那英等等前辈嘅鼓励,佢喺第二首作品《巴斯光年》嘅舞台上,已经可以放开自己,自信咁表现自己。係佢参加呢个节目嘅最大得益,就系身心都得到成长。 快乐“巴斯光年” 《失重的眼泪》係andy喺失落孤独嘅时候创作出嚟嘅歌;而《巴斯光年》就係因为佢细细个嘅时候,感慨《玩具总动员》入面Buzz同Jessie 嘅友爱互动,联想到大家可以远离烦嚣,飞去太空谈情说爱而创作出嚟嘅作品。andy话自己从小就有“太空”情意结,中意幻想天马行空嘅嘢,所以佢希望《巴斯光年》呢份“简单爱”,可以带俾大家快乐,係米好正能量咧! 受“Andy刘”鼓励 andy话,进入娱乐圈之后,刘德华提醒过佢:“不忘初心”。佢一直都铭记于心,虽然热爱音乐,但都会有遇到困难挫败嘅时候,谂返起呢句话就会重新振奋。2019年,佢同自己定下“每月上新一首创作歌曲”嘅flag,希望可以不断挑战自己,令更多人可以听到佢嘅作品。同胡芳芳合作《I love you,sorry》,基于一个偶然嘅机会。andy听到歌曲嘅原始版本就已经好中意,咁啱芳芳又希望呢只作品可以拥有R&B嘅灵魂,两人一拍即合。打造呢首合作歌嘅时候,andy加入咗唔少自己嘅风格同谂法,制作出特别有味道嘅版本。正如大家所见的andy,喺不断感受、尝试新嘅音乐风格中突破自己,希望佢以后带多啲好作品俾我哋啦。 潮人档案: 姓名:苏志尹andy 本名:苏一晋 生日/星座:1月3日 魔蝎座 个人经历: 2015年(17岁),以《练爱》在北京出道;2018年,《这就是歌唱‧对唱季》选手;2021年,《中国好声音》选手。 曾获奖: 2013年,“KPOP STAR HUNT 3 猎星行动第三季”冠军;2019年,禅歌创作比赛冠军, VIP音乐榜热播唱作人铜奖;2020年 VIP音乐榜热播歌曲《时间轴》;2021年 VIP音乐榜热播飞跃进步金奖。