|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
春天都嚟了，夏天仲会远吗？细细个天口热嘅时候，就讲笑话想匿入冰箱度降温，可见“冰箱”呢件事已经渗入大家嘅DNA。现在，冰箱为咗满足大家精细化日常需求，功能、造型都会细化。今个夏天冰箱又可以点样玩，Color带大家一起嚟睇睇！ 奇兵/文 奇兵、品牌官网/图 颜值“保鲜”神器 现代人对生活好有追求好多新晋嘅化妆品、护肤品都标榜自己无添加纯天然，为咗令佢里面嘅“天然嘢”keep住最佳状态，好多时都会需要“低温保鲜”。将化妆品放入普通冰箱，好容易同里面嘅生鲜食物互相污染，可能仲会窜味影响使用感觉。而美妆冰箱除咗小巧美观，方便靓仔靓女放喺梳妆台上之外，一般自带除菌功能，温度区间更温和、更适合化妆品嘅储存；部分贴心嘅品牌，仲会把小小嘅空间再细分出唔同嘅温控区域，便于特定系列嘅商品更好咁，喺适当嘅温度中保存。歌岚嘅美妆冰箱，设有一个40°C面膜加热仓，冷冻保鲜嘅面膜只需5分钟即可升温，热敷暖心又美丽加分；康佳推出嘅美妆冰箱将外观直接设计成镜面，放喺台上可以当埋镜用，而且佢仲加载咗人工智能AI技术，实时监测你嘅“颜值数据”，提供各种美颜参数，简直就係你专属嘅桌面“美容导师”。 复古当时兴 后生仔女中意潮，呢个潮里面亦有好多复古嘅元素。相比起造型精致、外观华丽，体积豪华嘅多功能智能冰箱，复古风就算係冰箱界嘅一股清流。除咗满足日常储存物品嘅需求，佢哋怀旧有味道嘅造型，会令到冷冰冰嘅家居环境增添一丝温馨，令你嘅小空间更有“家”的味道， “蜗居”沙发，取出小冰箱内的冰镇小吃，瞬间治愈由朝到晚的疲倦。复古嘅小冰箱外形简约，颜色鲜艳，上世纪50、60年代特有嘅敦厚圆角设计，“那时候”嘅感觉一下子拉满。好似斯麦格嘅复古冰箱体积较细，容量亦相对少啲，自然耗电量都会递减；而且佢外壳有好多唔同颜色可以拣，更适合独居嘅年轻人使用。 party time“管家” 客厅有茶几，厨房放冰箱，好似已经係大众家庭嘅普遍做法。But，当你坐喺客厅煲剧睇波，或者係一班friend玩到正嗨嘅时候，想叹杯冻嘢解渴，你会愿意打断热火朝天嘅兴致，行去厨房吗……创维茶几冰箱帮到你，佢将茶几同冰箱结合，个样好似普通茶几咁，睇得又放得，拉开抽屉就秒变百宝冰箱，饮料零食应有尽有；除咗普通嘅冰箱功能，佢特别设计嘅桌面仲配备煲水、无线充电等等功能区域，一张茶几多功能合一，悭时、悭力、仲悭空间，真係一个客厅“妙管家”。原来有茶几唔方便换，都可以考虑下造型特别嘅迷你冰箱，哈士奇透明柜门冰箱，内置物品一目了然，招呼朋友好方便；科敏迷你小冰箱造型似行李箱，制冷温差有28℃，家用、车载皆可，好睇又实用。
