|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
受疫情影响，部分打工人不得不开启居家办公模式，宅家一时爽，但一直宅，好容易就变“懒惰”影响工作效率……保住份工同保住“绿码”一样重要，不妨添置翻一啲好物，打造高效又舒适嘅工作氛围感，居家办公幸福指数即刻up up up！ 陈祉伶/文 品牌官网/图 “姿势”要实际 上班族离唔开手机、电脑，一不小心做咗“低头族”，不但对颈椎不友好，仲容易造成双下巴添。一啲可自由调节高度同角度嘅多功能支架，可以随时帮你搵到自己嘅专属维度，用最舒适嘅姿态投入工作，效率自然就提升；现代打工人鼠标、键盘都係必备嘅“搵食架撑”，最紧要係“啱手型”，顺应手势嘅按键同流畅顺滑嘅拇指滑轮，俾你非一般嘅装备新体验，符合人体工学设计，就算长时间输出都完全ok；仲有可以根据每个人身型自动调节嘅靠垫，係你久坐不累的秘密武器，无论宅家定坐班都keep得住最fit状态，几时都可以效率冲天。 氛围要到位 屋企太温馨，有时真係好难让人进入工作状态噶，呢个时候就好需要一啲氛围感“好伴侣”嚟帮帮手！音乐就是最好嘅氛围“催化剂”，沉浸办公状态需要BGM加持，整翻台细细哋嘅蓝牙音箱傍住，让振奋工作士气嘅音乐为你加油，瞬间能量值爆灯，工作效率速速提升。对住工作一整日，要放松呆呆滞滞嘅神经，添翻台好睇又好闻的香薰加湿器就变得相当有必要：水雾柔润细腻，屈喺室内也能感受“春雨洗过的空气”，再滴上两滴精油，香气满屋，仪式感同氛围感立即拉满！仲有各种鬼马造型添趣味，心情同眼仔都得到安慰。伴着幽香工作，感受片刻嘅relax，工作效率也能成倍提高。 “战场”要整齐 枱面係办公嘅“主战场”，大家都习惯性将电脑、文具都放喺伸手可及嘅地方，嘢一多就容易乱，太拥挤嘅办公“战场”，或多或少会阻碍你技能嘅发挥，仲好影响你嘅心情添，呢个时候收纳神器就好重要啦。例如近来好兴嘅金属洞洞板，搭配任意挂取嘅钩仔、收纳盒使用，令置物空间向上延伸，充分利用墙面空间；仲有唔同形态嘅收纳架，分类整理文件、归类零碎小物、重整杂乱工具……样样皆能。不被繁琐的物品打扰工作思路，心情靓靓应对工作同挑战，状态满分就perfect晒啦。
