|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
呢段时间，香港嘅疫情反复，牵动住大家嘅心。社会各界关注疫情，都希望可以为此出一份力，尤其係演艺界嘅艺人朋友，都好希望可以通过自己嘅公众形象，为抗疫宣传献出爱心。聆听由“爱”而生嘅声音，重振士气，让我们共同为抗疫加油！ 郭玮/文 网络综合整理/图 杰青有爱不畏险 35位嚟自社会唔同领域嘅杰出青年，喺唔同嘅地点，用有限嘅时间响应号召，录低咗呢首由卢冠廷作曲嘅励志歌《凭着爱》。有份参与呢首作品改编创作嘅关心妍话，希望借此将鼓励发送俾正在为抗疫努力嘅人。歌词唱到“在高高低低弯弯曲曲中跌倒”就好似依家大家正在经历嘅种种难关，而“开开心心简简单单已极好”其实就係大家最淳朴又真诚嘅期盼。疫情之下，有人心温暖；病毒可怕，但我们有众志成城。只要大家心中一直有“爱”，凭着爱，大家都相信会有出路。 香江精神新篇章 由罗文原唱嘅金曲《狮子山下》，本来係赞颂艰苦创业打拼嘅人、奋发努力而编写出不朽嘅香江名句。“狮子山精神”作为一种奋斗精神嘅代称，鼓舞大家继续努力，就算疫情来势汹汹，只有坚守心中信念，一定可以战胜病毒。近日，呢首经典名曲被TVB改编成抗疫歌曲，并集合多位艺人参与录制MV。原版歌词改编成：“我哋齐心，在狮子山下相互勉，取胜这一场疫战”，紧扣大家最关注嘅话题 ，又结合歌曲原本嘅精神，为共同抗疫的信念加油打气。过百演艺界朋友献声，为参与今次战疫嘅全体“战士”送上慰问与鼓励，係一份精神嘅营养剂，同时仲表达咗同心抗疫嘅坚定决心。 实景MV振人心 声援香港，广东音乐界义不容辞。由我哋羊城晚报报业集团，同广东省音乐家协会共同出品嘅援港抗疫公益歌《何惧难关》，由粤港两地音乐人连线“云合唱”完成。歌曲MV中，广东驰援香港嘅医护人员，同香港一线医护工作者共同努力，为香港本轮疫情贡献自己嘅力量。真实嘅新闻场景同热血振奋人心嘅歌声结合 ，令人一秒破防 。歌词”就算泰山压顶，腰杆也从没有弯“，展现中国人嘅坚韧顽强精神，“有你有我，风雨同担”更係两岸一家亲，同胞相惜嘅美好祝愿。 local唱腔粤味浓 呢首作品改编自粤语歌曲《万里长城永不倒》，佢嘅节奏强而有力，配乐沉稳而悲壮，每个音调都如鼓点，唤醒大家嘅爱国之心。特别嘅係，改编后的《同心抗疫永不倒》加入咗粤剧戏曲嘅特色唱法，令到曲风极具粤式风情，更能体现粤港两地同胞互爱情谊。面对疫情，最紧要係众志成城，湾区精神好似长城咁坚挺，为所有经历磨难嘅群众保驾护航。疫情面前，冇人係孤岛，让我们共同携手，共克时艰。
