![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
玩水可以独自美丽,也可以跟朋友互动,甚至成为“无国界”嘅社交方式。近年来国家越来越重视水上运动的发展,越来越多水上运动得到规范,可供给都市人玩乐嘅亲水项目亦越来越多。无论你係中意嘅一个人同水来一次“深度约会”,定係中意一大班人喺水入面,度过愉快时光,总有一个项目适合你。 黄芷晴/文 Katia、广佛水下曲棍球俱乐部/图 治愈方舟松一松 桨板可以带大家畅游、探索城市水域,瑜伽则可以令繁忙嘅都市人放松身心,咁如果将两者做个加法咧? 你会得到一个叫做“桨板瑜伽”嘅全新体验。“桨板瑜伽”嘅内核依然係做瑜伽,只不过佢通过桨板,将锻炼嘅环境从室内“撑”到水波之上。桨板瑜伽教练Katia话,呢项运动最迷人嘅地方,就係可以同大自然直接对话,更容易静下心来,进入冥想的状态。有啲桨板瑜伽学员就话:“以前我係听住音乐来做瑜伽,现在我直接可以听到风声、水流声、浪声,让我暂时逃离喧闹都市,超治愈。” 可能好多初学者担心会“翻艇”,但其实跟实老师嘅节奏,十分容易上手,好快就会适应“保持平衡”呢件事。如果喺桨板上将瑜伽动作做到位,燃脂效果一般可以达到陆地瑜伽嘅四倍咁多!变瘦,变fit,话都冇咁易!课程中,教练会先喺陆地上教你学识点样划桨板,做啲基本拉伸运动。跟住再带住大家去到开放嘅水域中做瑜伽。根据学员数量和需求,教练仲会设置亲水动作或者互动性嘅体适能小游戏,放松又有趣,仲可以交流感情。 目前喺广州,桨板瑜伽嘅地点一般会定喺符合水上户外运动要求嘅室内泳池同户外安全水域,比如海珠湖、郊区部分安全嘅水域。 水下打球练默契 如果话桨板瑜伽係一个人逃离喧嚣,咁水下曲棍球就係一班人潜入水中“找乐子”。水下曲棍球(以下简称“水曲”)源于英国,因冬季寒冷,潜水员无处释放能量,于是就选择喺温暖嘅室内泳池尝试打球。水曲融合咗地上曲棍球同冰球嘅运动规则,通过蹼泳和闭气潜泳实现水下活动。一场水曲比赛需要两支队伍,每支队伍至少要有6人,两队对战,以入球数分出胜负。一场标准比赛时长为33分钟,虽然时间唔长,但水下运动体能消耗大,健身效果冇得弹。 水曲嘅球棍会比陆地曲棍球嘅更短,而且有水做缓冲,即使运动时碰撞激烈,都冇咁易受伤,所以对性别冇特别嘅要求,男男女女都啱玩。水曲作为竞技运动,佢嘅魅力就在于,队员与队员在合作中,增进感情;两支队伍在交锋中,结下情谊。广佛水下曲棍球俱乐部负责人话:“无论去到世界边个地方,只要搵到水曲俱乐部,打一场水下曲棍球,就算语言不通,都可以广交好友。”水曲就好似成为咗爱好者之间嘅私有暗号,只要打番一场,陌生人都可以变密友。如果你中意认识新朋友,又中意竞技运动嘅刺激,水下曲棍球啱晒你!