|
|
|
|
|
|
|
|
|
|
|
|
|
|
Seamaid Design |
|
|
Seamaid Design |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
每个人对大海都有一种天然的好奇和向往，大海有千姿百态嘅水底生物，有奇形怪状嘅海底地貌，进入梦幻童话般的水下世界，有浮力加持，会让人产生一种飘飘然嘅自由感。带住对大海嘅美好遐想，越来越多人选择穿上脚蹼，戴上面镜，用潜水嘅方式揭开大海嘅神秘面纱。 黄芷晴/文 广州潜水协会/图 圆梦“人鱼”有路径 仲记唔记得你第一次接触嘅人鱼故事？係拥有美好歌喉嘅人鱼公主，定係滴泪成珠嘅鲛人？无论係边种人鱼，身上都寄托住人类对海洋最美好嘅幻想。咪以为人鱼只係童话传说中先有，现实中原来都可以实现“人鱼梦”！只要穿上特制嘅美人鱼脚蹼同靓靓嘅鱼尾服饰，无论男女老幼，人人都可以变身成为水底最靓嘅“人鱼”。唔讲唔知，“美人鱼”其实都係一种运动方式，佢係集花样游泳、自由潜、蹼泳、瑜伽和美感于一身的新潮项目。为咗推广海洋环保理念，“美人鱼”课程已经被SSI（国际潜水学校）系统化、规范化。只要学完相应嘅课程，完成考核，就可以成为“持证上岗”嘅美人鱼啦。 “持证上岗”并唔难 如果你都想获得“美人鱼”证，唔使去东南亚，亦都唔使去海南，喺广州就可以Get。广州潜水协会开设咗美人鱼课程，一般会喺天河游泳馆或者喺正佳海洋馆训练。陈小婷教练话：“学美人鱼其实唔会太难，6岁就可以开始学习啦！”你只需要怀住一颗好奇热爱嘅心，想变成美人鱼就会easy job。美人鱼课程除咗会教你基础嘅潜水技巧之外，仲会教你优雅流畅嘅美人鱼泳姿，教你喺水入面轻松“凹造型”，分分钟直出大片，啱晒高要求又追求独特嘅贪靓人士。咪睇“美人鱼”项目係舶来品，我哋亦已经有本土品牌以东方美学元素为灵感，为“美人鱼”爱好者们设计出多款国潮、梦幻的鱼尾。 向大海深处出发 有人贪图“美人鱼”的视觉美感，有人则更向往纯粹潜水的畅游快感。好多人去海岛旅游，最想尝试嘅项目就係潜水。其实潜水都分好多种噶，比如浮潜、水肺潜水等等，其中近年最hit嘅就係自由潜。自由潜最大优势就係自由！无需要太多负重，一件合身嘅泳衣，一对脚蹼，再加一副面镜同呼吸管，就可以畅游。迷上自由潜嘅理由可以有好多种，有人中意挑战极限，想向更深嘅海底下潜；有啲人就被海洋生物迷住，想近距离观察鱼群。喺广州市内，可能见唔到海岛风光啦，但都可以喺潜水协会指定嘅场所体验潜水噶，可以去安全嘅山坑领略山水风光，可以喺海洋馆实现“与鲨共舞”。自由潜技巧熟练嘅朋友，甚至可以挑战水底做模特，摆出各种pose，同魔鬼鱼拍出“惊心动魄”嘅大片。
