![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
玩水咁开心,衬翻套靓靓“战衣”,心情自然更上一层楼啦。一套合身的水着,唔单止可以保护你嘅肌肤免受紫外线伤害,仲可以帮你展现身材线条,助你魅力up up up! 郭玮/文 品牌官网/图 必须有线条 有朋友觉得夏天就係要同阳光亲密接触,要尽show身材先係真•水着!传统的背心式连体泳衣依家都多咗好多花臣,减龄趣怪嘅图案,荷叶蕾丝边装饰,仲有各种长短、弧度嘅裙摆,适合各种风格嘅女仔。如果对身材好有自信嘅朋友,比基尼就係你嘅好拍档!格仔图案行复古风,纯色自然就係纯欲向啦,幼肩带嘅款色更sexy有味道,抹胸式防滑安全系数都做到足……专业做泳衣嘅范德安今年有运动风嘅比基尼泳衣,分体设计尽显纤腰马甲线,运动胸衣款承托力非凡,游水动作再大都唔怕移位走光,配色够sharp令你成为全水最亮眼嗰个!要提醒大家嘅係,穿呢种泳衣记得要擦够防晒,咁上下时间就一定要补涂。 “男朋友”任拣? “男朋友”款嘅水着就只有泳裤?No no no依家嘅男款泳装都有得拣:show肌肉可以斋穿泳裤,长款、短款、宽松款任君选择;怕晒当然可以衬翻件速干T恤,同样有各种袖长可以配合唔同嘅场景需要;cp款嘅泳装就啱晒蜜运中嘅情侣“享用”啦,游泳打卡晒靓相都可以呃多几个like。中国国家游泳队合作品牌速比涛嘅泳装,全部采用可回收嘅环保材料制作,特殊工艺令产品抗氯轻盈,何时何地都运动无束缚,状态100分。 靓帽够出位! 觉得靓靓泳衣仲唔够出位?花臣多多嘅泳帽表现就好perfect。传统硅胶泳帽隔绝泳池水嘅氯成份,保护头发同头皮,款色上也越变越多花样。蕾丝边、花花配件等等款色最啱浸温泉嘅时候固定头发。Hidiver加厚保暖泳帽唔单止造型靓,佢嘅高密度材质满足潜水需求,箍下巴嘅魔术贴设计,适合唔同面型嘅朋友,仲可以防止入水时帽子后移添。 防晒要贴身 喺水入面点解要防晒?因为水嘅折射率好大,紫外光通过水面照射到皮肤,好容易就会晒红晒伤。虽然话现在很多护肤品都防水防晒,不过沉浸式玩水,全身心玩得太投入,好容易唔记得及时补妆补防晒,狡猾嘅紫外线就会“趁虚而入”。就防晒而言,长衫长裤款嘅“全包围”式泳衣,无疑防晒效果最佳!现在防晒类型嘅泳衣好先进嘎,toswim嘅长款泳衣由有50pa+抗晒功能嘅微亚弹性面料制作,面料轻薄而不透、通气又贴身,分体设计方便穿脱;泳衣袖口安装咗紫外线探测器,实时监测紫外线指数、提醒你防晒,设计喺咪好贴心呢?如果想要休闲嘅款式,vector今年同hello Kitty做咗联名款,甜美与运动美并行,喺保证防晒功能基础上,可以拣高叉泳裤或者有小裙摆嘅泳衣款。