|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
天时暑热，最啱就係匿埋入水度，躲避热浪。千篇一律嘅泳池，晒到焫pat pat嘅水滑道，当然好难勾起大家玩水的欲望，Color全网搜罗，搵到唔少新奇好玩，又啱晒大、小朋友嘅“水玩具”。大家执好架罉，准备打水仗啦！ 黄芷晴/文 品牌官网/图 梦幻坐骑 讲到玩水了喔，点少得水泡？圆形游泳圈已经见惯见熟，一齐嚟睇睇异形水泡开下眼界啦。虽然都属于充气泳圈，不过对于呢种以凹造型为主嘅戏水玩具，可能佢哋叫“坐骑”或者“载具”更准确。“梓涵户外”嘅珍珠贝壳浮排，完美复刻咗雪白嘅珍珠贝。坐上去，再抱住白色戏水球，你就係“珍珠美人鱼”本鱼了。“INTEX”水上仿真坐骑系列，将水泡做成大白鲨、鳐鱼、鳄鱼、孔雀等等动物形象，甚至仲有小龙虾。傍住大白鲨游水，全泳池最威水嘅嗰嗰仲唔係你？仲有梦幻菠萝浮垫、“BlingBling”鱼尾水泡，佢哋充满夏日风情嘅鲜艳色彩搭配，睇到都会令夏季烦闷嘅心情好唔少。 遥控玩具 今季玩水架罉中，遥控玩具绝对吸睛。“哇，有鳄鱼！”一有人嗌呢句，你嘅玩水玩具已经成功了！“孩子乐”呢款水上遥控鳄鱼头，配备咗两个螺旋桨，加上灵敏嘅传感器，令鳄鱼头喺水池入面来去自如，百分百还原野生鳄鱼喺水入面休憩嘅模样，逼真到令人一秒幻入危机四伏嘅热带河流，绝对係泳池party嘅气氛担当。唔想吓亲人，咁可以考虑“Sublue”嘅智能动力浮板，佢简直就係只小型游艇，自带嘅智能动力系统，唔单只可以令你浮起身，仲制造出大浪花，名副其实“带你去浪”。用APP可以遥控浮板前进嘅速度、设置儿童安全锁，安全又贴心。 炫酷水枪 细个嗰阵打水仗，最烦嘅就係手动装水嘅时候，注水操作麻烦又耗时，成日俾人背后偷袭。宜家嘅水枪就十分贴心地解决咗呢个痛点。“JJR/C”嘅电动连发水枪，装“弹”方式更加简便，只要将枪口伸入水中，水枪就会自动感应吸水。全程唔使人手打开水仓装水，装满大容量储水仓只要15秒左右。电动连发水枪射出来嘅唔係水柱，而係一颗颗“真水弹”，开枪体验更加安全刺激。“孩之宝NERF”水龙系列“海啸发射器”，就更适合时常忘给俾电动用品充电嘅朋友啦。还原最简单嘅水枪操作，装水发射，一气呵成。1.6L大水箱，配上“加农炮”嘅外观，其他人见到都退避三舍。向后拉下扳机，手动为“海啸发射器”注压，射出超大水柱。装备升呢，打水仗都唔可以输蚀！
