|
|
|
越秀 暴走潮人窦 阿哥同款 东山口一向都係广州仔女中意嘅潮流打卡地，旧年大湾仔仲喺度录过综艺，含“星”量更节节攀升添。大家都知道糖妹同captain cool係“兄妹”啦，阿哥嚟过嘅潮地，阿妹肯定唔可以执输！小资咖啡馆、小众花店、古建筑博物馆都藏身喺呢度嘅小洋楼入面，古董外皮包裹住潮到风湿嘅新型打卡点，满足你唔同情绪想逛不同店嘅需求。随便停喺一面墙前拗个造型，时尚大片即刻有，配埋ins风文案，绝佳“朋友圈”素材就即刻有。不过要提醒一下大家，东山口内马路日常都人多车多，影相打卡嘅时候一定要小心安全。 冧爆限定 东山口嘅好多café都同潮店结合，大家饮嘢嘅时候仲可以有其他消遣。Soaak係一间兼具潮流展览、演出与悠闲打卡嘅咖啡店，东山口片区有两间分店各有特色。除咗定期更新嘅潮玩展出之外，仲时不时会有明星做快闪。上次朱主爱就化身甜笑咖啡妹为粉丝送福利，今期糖妹都体验咗一把拉花，冧到爆嘅糖妹限定特饮，大家係米都好想试下咧。呐，Color静静鸡话俾大家知啦，靓靓女明星快闪冲咖啡就唔係日日有嘅，但如果你得闲就嚟叹啡打卡，话唔定下次偶遇到大明星嘅幸运fans就係你啦！ 天河 打卡地新星 未来可期心喐喐 除咗现成嘅打卡靓景之外，即将要嚟嘅大project都好吸引！一座巍峨挺拔的玉宇琼楼即将在创意产业园凌空而起，佢嘅大名叫岭南数字创意中心，昵称为“小羊楼”，佢将会以靓丽嘅姿态向大众展示羊晚嘅地域特色、时代特色与文化特色。可乐生活正在打造融媒体直播间，也即将和大家见面啦！呢度除咗有明星直播外，仲有潮玩展览、跨界快闪等。糖妹听到都觉得好心动，仲话等佢哋建成后一定要再嚟打卡。 Super star背书 要嚟天河hea时间，真係可以首选羊城创意产业园。呢度有园林式办公环境；呢度冇赛博朋克咁激进，但小石山伴流水，有猫仲有鱼，岁月静好中会遇到唔少得意嘢。喺呢度，你可以闲逛、饮嘢、撩小动物、影相，偶尔会有大明星出没，只要你运气够，蹭个合照都係常有之事。林晓峰、李思捷、关心妍、胡鸿钧等等，忙里偷闲都会过来打个卡！
