|
|
|
《我们的少年时代》《棒！少年》等棒球题材剧集层出不穷，棒球帽、棒球服等潮流单品备受青睐，身为潮人嘅你，就算唔了解棒球规则，都在不知不觉中和棒球文化有咗交集。其实随住国内越来越多棒垒球俱乐部出现，棒垒球亦慢慢变成咗男女老幼都钟意嘅运动项目。今个夏天，等我哋一起解锁棒球运动嘅魅力啦！ 黄芷晴、实习生 李凯茵/文 余慧珊、实习生 李凯茵/图 造型太靓易种草 作为潮人必备单品嘅棒球帽，係好多人同这项运动的最初羁绊。其实，棒垒球嘅基本三件套包含球、手套同球棒，都係十分有型嘅潮搭单品。近几年好hit嘅运动写真，呢三件套都係出镜率超高嘅热门道具。作为一项极具观赏性嘅运动，用棒垒球装备加上招牌动作特别容易出靓片。戴上打击头盔，着上棒球服，将球棒架喺脖头，一张又飒又型嘅棒球写真就咁出来啦！如果你真係想入门棒垒球运动，准备一只硬净手套，係必不可少的一步。事关棒垒球作为团队项目，成熟嘅业余棒垒球俱乐部一般会提供球、球棒以及打击头盔等公用入门级装备，所以大家只需要带上自己嘅私伙手套过去就掂啦。原则上，一个手套可以用上三、四年嘎，如果保护得好，仲可以用更耐添！Color去走访一圈，发现广州市内嘅业余棒垒球俱乐部，都十分欢迎初学者去体验，就算自己未有装备、零基础，去到一样可以体验。 奋力一击超满足 棒垒球係一项特别容易获得满足感嘅运动。比如第一次接住好高嘅飞球，第一次将球扎实咁打出去，第一次获得队友嘅称赞。棒垒球嘅规则复杂得嚟又好有趣，基本来讲就系会分为攻、守两部分，攻就系打击和跑垒，而守则要求令击球员或者跑垒员出局。防守员最重要嘅就係要将球接好，传到位，通过几秒钟内嘅快速思考，掌握局面，令更多对手出局。如果话守备部分係头脑同基本功嘅较量，进攻则係速度同力量嘅结合。大家较为熟悉嘅“全垒打”是打击呢部分嘅最高成就。全力击中球后，被时速高达80km/h嘅球震到，手上产生嘅酥麻快感；仲有击出球后，全力冲回本垒得分嘅畅快，都会令人上瘾！ 热血开波好去处 正式嘅棒垒球比赛，一般需要喺如钻石般嘅直角扇形场地举行，不过对于平时练习而言，只要喺安全、较为封闭嘅区域就冇问题，并唔会有太多嘅场地限制要求。依家广州嘅业余棒垒球俱乐部都唔算少，对新人比较友好嘅有“不死鸟”、“半桶水”以及“暴力羊”等俱乐部。呢啲俱乐部大都会在周末安排新手训练嘅时间段，甚至仲会为此配备专门嘅教练团。借住棒垒球这项小众运动，大家聚埋一齐开心玩波，你又会获得一个全新嘅朋友圈子！另外，你亦可以选择去打击馆练习，穿上棒球服尝试单人打击，顺便拍一啲可盐可甜嘅棒垒球写真晒圈哦。最后，友情提醒：棒垒球项目嘅很多动作需要运用身体各个部分嘅力量，喺运动前一定要充分拉伸腰部、腿部，最好手肘、手臂都做啲预热运动。 运动小科普： 在国内，好多业余俱乐部都会同时兼顾棒球和垒球，并统称为棒垒球。呢两个项目规则、器材相似，垒球相比棒球更大颗，颜色更鲜艳明显，投出速度比棒球要慢，安全系数更高。初学者一般都係由垒球入门，之后慢慢进阶到棒球。
