清爽出行 唔做“大汗包”

　　

　　

　　夏日炎炎，喐一下就出嗮大汗，最惊嘅就係会腋下出汗，渗透到衣衫表面，除咗唔多雅观，仲会散发出阵阵酸臭味，真係劲尴尬！今期一起嚟跟住Color做好攻略，拒绝再做“大汗包”，止汗增香，就算再热都可以保持清爽自信！

　　

　　黄芷晴/文 品牌官网/图

 

　　

　　

　　大牌玩花臣

　　

　　好多朋友仔初次尝试香体止汗产品时，都会优先寻找比较多人推介嘅大众品牌，特别係嗰啲喺商场超市嘅开架货柜上最当眼嘅，话嗮有咁多人帮你“试验”过，随便拣都唔易撞板啦。其中，“妮维雅”同“舒耐”就係口碑一直几好嘅热门牌子，不但有各自的主打优势，仲不时玩下花臣，增加用户新鲜感。杨紫同王俊凯先后代言过嘅“妮维雅”，佢旗下嘅香体止汗产品，主打走珠型止汗剂，加入光果甘草精华同VC，止汗嘅同时仲可以美白腋下肌肤。最近“妮维雅”同《小蓝和他的朋友们日常》联名，形象活泼嘅小蓝，将出汗嘅尴尬，搞笑地呈现出嚟，加上产品实力加持，联名款即刻成咗“止汗新宠”。而“舒耐”更受消费者欢迎嘅係止汗喷雾，独特嘅喷雾专利锁头设计，一推一按才会解锁，就好似个儿童锁咁，防止俾小朋友摞嚟玩。喷雾嘅质地清爽不黏腻，香氛粒子遇水破开，释放香气，“舒耐”近期推出嘅特调樱花香型同沁心白桃香型，闻起嚟就有粉粉嫩嫩感觉，深受少女欢迎。

　　

 　　舒耐女士沁心桃香爽身香体喷雾

　　

　　

 　　舒耐 女士樱花味止汗香体喷雾

　　

　　

 　　妮维雅精华美白丝滑爽身走珠液

　　

　　

 　　妮维雅X《小蓝和他的朋友日常》联名款

　　

　　

　　无铝更温和

　　

　　

　　传统止汗产品，大多都会添加铝盐因子来封锁出汗源，但用得多就会由令到腋下肌肤暗沉，而且对孕妇都唔友好。如果係经常需要止汗嘅朋友仔，选择无铝型嘅产品会用得更加安心哦。用过“施巴”产品嘅朋友都知道，呢个牌子专注于研究肌肤pH酸碱值平衡嘅健康护肤方式，旗下产品虽然都冇太多香氛添加。“施巴”敏感肌用止汗露，就冇任何铝盐和酒精成分，比较温和，对皮肤刺激较少。 “Aesop伊索”嘅草本腋下喷雾，网友给到嘅综合评分最高，同样是不含铝盐，仲添加咗多种精油成分，止汗祛味嘅效果明显。不过呢款止汗剂嘅价格都唔低，真系一分价钱一分货。

　　

 

 　　

　　carpe 止汗膏

　　

 　　　Aesop伊索草本腋下喷雾

　　

 　　Aesop伊索草本腋下喷雾

　　

　　

　　止汗新潮流

　　

　　今年的止汗产品中，出现咗不少潮人都爱嘅新星产品，例如止汗香膏、止汗石。相比于走珠液同喷雾，止汗香膏嘅固态膏体更加方便涂抹，白色膏体一涂即隐形，形成天然止汗屏障。“Secret”止汗膏可谓係膏体止汗界嘅“元老”，佢嘅全线止汗产品配方中，都添加咗具有抗菌效果嘅地衣提取物，能够抑制汗液里的细菌，从而达到祛除异味嘅效果。 “杜得乐”嘅止汗石都係属于膏状质地，佢嘅转管设计更加符合亚洲人嘅出汗特点。一次涂抹，就可以迅速成膜，成分紧密贴合肌肤表面，达到有效祛味嘅效果。呢两款产品祛味效果真係一流，不过止汗功能就差少少，适合想要增香嘅非暴汗人士。

 　　杜得乐清爽止汗膏

　　

　　

　　

 　　老帆船运动止汗蓝膏

　　

　　

　　

 　　“Secret”止汗膏

　　

　　

　　secret 止汗膏

　　

　　

 

　　

　　Color提醒：止汗产品千千万，冇话边个係最好嘅产品，根据自己身体嘅情况，选择最合适嘅产品先係正道。