potty新主张 “方便”可以咁好玩

　

　　

　　大家去厕所嘅时候，係咪已经习惯咗带住手机刷个唔停咧？医生都告诫过，喺厕所玩手机，对身体各种唔好。但呢个时候冇啲娱乐喺手，确实有啲无聊。为了健康以及好玩着想，竟然有人将踢波、弹琴、钓鱼等游戏都搬入厕所玩，呢个potty新主张，你buy唔buy？准备一起开局啦！

　　

　　郭玮/文 品牌官网/图

 

　　

　　

　　“孤勇者”打波波

　　

　　

　　球类运动可以话係解决无聊嘅优质选择，规则简单好上手，容易有满足感，虽然喺厕所呢啲咁私密嘅场合，唔多方便邀请波友一起玩，不过打波的快乐也不会打折噶。马桶高尔夫，用草绿色迷你防滑垫让你的脚下“生”出一片草坪，凹槽可以完美契合马桶形状，带伸缩设计嘅球杆适合适合唔同身高嘅玩家使用。golf球同球洞都已经安排好晒，球洞边上嘅旗仔简直係灵魂一笔，助你仪式感满满开波。只要你觉得时机适合，就可以主动出击，係“标准杆”定係“老鹰球”？全凭你嘅意志。如果高尔夫唔啱key，足球也可以安排上。“穿鞋仔”嘅球杆代替你唔方便乱喐嘅双脚，瞄准龙门就可以开启你嘅“马桶世界杯”。同理，厕所内打曲棍球一样可以实现，唯一唔同嘅係地垫嘅材质由“草坪”变成“光滑面”，俾到你十足嘅现场感。每个男仔可能都有一个篮球梦，厕所篮球会係你开始追梦嘅地方？吸盘篮筐可以根据玩家嘅喜好随意黏贴，篮球安置桶小巧又轻盈，放喺角落一啲都唔占空间，如果你中意，穿埋球衣去厕所，最靓仔嘅MVP就係你！

　　

 

 高尔夫套装

 

 马桶篮球套装

　　

　　

　　修身养性好治愈

　　

　　

　　每个人体内都有优雅嘅DNA，当你喺独自一人嘅时候，最容易专注精神，迸发出创作灵感。好多伟大嘅作品都诞生与厕所，potty piano将会成为你创作嘅“垫脚石”，将琴键设计成防滑垫，7个琴键对应7个音符，可以弹奏简单嘅歌曲。佢仲有另外两种模式，分别可以双键连弹发声，用埋自动播放音乐，令你嘅厕所时光被音符填满。音乐细胞告急？考耐心嘅钓鱼游戏都好有趣噶，湛蓝“大海”安于脚下，趣怪小丑鱼畅游小水盆，垂钓可以静心养性，话唔定呢种专注会治愈你嘅焦躁心情。

　　

 　　曲棍球

　　

　　

　　

 　　足球

　　

　　

　　

 

　　

　　

　　“神射手”练鹰眼

　　

　　

　　球类游戏动作太大，太刺激啊？考验专注力嘅射击类可能更适合你。手枪玩具组合装备好齐全，纸质嘅枪靶清晰又够大，胜在够轻身，方便收纳又容易悬挂使用，子弹係柔软嘅珍珠棉制成，唔会伤到人，发射之后有小吸盘将佢吸喺目标上，大家觉得自己方便一趟，可以打中几多环？有人问，啲子弹射走晒但厕所事未完成点算，魔术贴式飞镖球就贴心好多，佢嘅每个粘粘球上面都配咗牵引绳，投晒出去之后用绳又可以将佢哋全部回收，轻松循环无限次。射击、飞镖都唔够过瘾嘅朋友，可以试下厕纸枪！成卷厕纸都係你嘅“弹药”，只要加满水做“燃料”，就可以畅快“突突突”，因为发射出嚟嘅湿纸团有一定冲击力，记得玩嘅时候唔好对人，记得闩好门先尽情玩，以及留返啲厕纸俾自己收场。

 　　射击套装

　　

　　

　　

 　　

　　魔术贴飞镖球套组

　　

　　

 　　厕纸枪

　　

　　

　　

 　　钓鱼套装

　　

　　

　　

 

 　　马桶钢琴垫