星级改造Power Girl

　　Color星级时尚助力官梁琤、饶子怀，今期继续玩转时尚，这次佢哋为大家带来专属“力量型”女孩嘅穿搭技巧。高大壮实嘅女仔，照样可以轻松变身成又chok又霸气嘅自信女孩。“星”级之旅加载中，准备好就出发！

　　郭玮/文 Color团队/图

 

 

　

　　有power更自信

　　今期参加改造嘅素人嘉宾Janice，生得比较高大，骨架比较粗壮，做dancer嘅佢俾人一种好有“力量”嘅感觉。Janice日常多数选择深色系嘅简单装束，希望可以有效遮肉。梁琤老师同饶子怀老师知道佢嘅小心思，今次为佢拣选咗一套黑色系连体西装。西装嘅cutting简单，但布料比较硬挺有型，可以更好修饰身材线条。Janice比较在意嘅腿粗同pat pat丰满问题，喺饶老师眼中反而係佢可以自信show出嚟嘅特点。用连体西裤嘅金属扣腰带提升视线拉长腿部线条，令到佢成个造型更符合佢power girl嘅定位，亦帮到佢更自信展现自己嘅特色。

　　在配饰的搭配上，两位“星”级时尚助力官选择用同色系帽子、鞋子，係希望用材质、款式上的小细节，帮Janice打造出“星味”效果。Janice原本嘅齐肩短发清爽利落，但头顶较塌，戴上牛仔质地嘅报童帽，够挺身易搭又唔会太过成熟，啱好可以弥补佢发型嘅不足，仲令面型都修长咗；型格中靴可以修饰小腿线条，令Janice由普通OL秒变街头潮人，个造型整体望落，时尚度提升咗，但日常穿着都唔显夸张。

　　

 　　星级时尚助力官 梁琤、饶子怀

 

 

 

　　

　　点睛妆容好加分

　　除咗修饰身材外，妆容设计亦係今次“星”级改造嘅重要部分。两位“星”级时尚助力官最欣赏Janice五官够大气，hold得住比较浓嘅妆容，只是素颜嗰阵缺乏气色，所以会令人显得冇咩精神。对于五官大气嘅女生，重点是突出五官轮廓。Janice嘅眉毛较短，只要用接近眉毛原色系嘅眉笔，加长眉尾即可，唔需要特别加粗或者上深色噶。百搭嘅美瞳，可以帮佢嘅眼神加分，有层次感嘅眼妆可以增加佢眼睛嘅整体深邃度，再加上简单嘅眼线，同干净利落嘅睫毛，成个妆容就已经perfect啦。

 　　改造前

 

 　　改造后

 

　　“星”导师有话讲

　　饶子怀老师觉得，女孩子唔应该俾大众嘅审美禁锢自己嘅自信。身材唔够索or样唔够靓，只要用适合自己嘅打扮去突出自己嘅特色，一样可以成就自信嘅美丽。力量型女孩Janice嘅造型，同原来休闲的打扮判若两人，但日常穿着又唔会太过夸张，令佢举手投足间都自信咗好多。两位“星”级导师又一次帮人升呢成功啦！