陈衍：打最有型嘅工 做最喜欢的事

　　“潮”有好多不同的定义，唔同嘅人对“潮”都有唔同嘅认识。佢可以係鲜有人尝试的服饰穿搭，可以係与众不同的健康生活方式，更可以係不断汲取新知识的欲望……今期要介绍嘅这位潮人，打住一份好有型嘅工，做紧自己最中意嘅事，更帮紧有需要嘅人，我哋大家一起同佢做个friend啦！

　　黄芷晴/文 秦丽莹、广东人社/图　　

 

　　令机器人有温度

　　一提到机器人，大家首先谂到嘅係咪硬邦邦嘅钢铁巨兽？其实我哋日常生活中，度度都有佢哋嘅身影，购物广场嘅“客服”，餐厅“传菜员”，好多都已经渐渐“机械化”，而呢啲冰冰冷冷嘅机器人，亦渐渐开始有咗“人情味”。陈衍，一个睇落宅宅哋嘅大男孩，就係令到呢啲“钢铁人”有咗“温度”嘅技能青年。将自己笑称为“挖下水道”的陈衍，依家正喺度研究紧“下水道移动机器人”：下水道环境复杂，充满有毒嘅沼气同未知嘅危机，好需要一个“帮手”，可以完成检查地下管道、修缮管道网络等等重要工作。陈衍觉得，自己研发嘅机器人係有使命在身嘅，分分钟可以救人一命添。

 

 

 

 　

　　敢想敢做敢试错

　　好多90后嘅后生仔女，都仲喺社会探索中，甚至未搵清楚自己嘅方向。而年仅24岁嘅陈衍，已经经历过社会嘅鞭挞，由初次创业失败，到重新振作再崛起，走过高山低谷，佢更加知道现实嘅残酷与不易。开始嘅时候，天真嘅陈衍睇到“智能家居”嘅势头好猛，就借住年轻嘅血气方刚，开启咗自己嘅创业路，但由于经验不足，初次创业就以失败告终了。讲起这段经历，陈衍只係浅浅一笑，失败乃成功之母，衰咗咪再努力一次啰。一个机缘巧合，佢接触到移动机器人呢个全新嘅领域，发现自己对呢样事物嘅热情，并预料到呢条路嘅大好前景。于是，佢重新进入校园学习相关知识，一路摸爬滚打，从一开始嘅校级比赛获奖，到最后登上国家级领奖台，进入到世界大赛嘅训练营，陈衍逐渐成为站在移动机器人研发领域金字塔顶端嘅人。陈衍唔怕出错，佢认为自己现在嘅工作，努力奋斗就会有收获，就算犯错也唔会打击唔到佢对机器人研发嘅热情。

 

 

 

　　搵啱目标好重要

　　陈衍记得自己喺小学三年级嘅时候，买咗一本书叫做《数据结构》，佢话：“虽然里面的内容，我并没有完全看懂，但是我大受震撼，总觉得我好像懂了什么。” 可能就喺嗰个时候，受到咗书本嘅启发，陈衍同移动机器人就已经结缘。到咗依家，被问到自己从事呢个行业最有成就感係咩时候，佢都会话：学到新嘢就会成就感满满。机器人的研究同开发，从来都唔係一件轻松事，但呢个係陈衍嘅兴趣所在，所以佢从来都唔觉得辛苦。作为新时代嘅技能青年，佢觉得只要投入真心喜欢嘅事业中，就会有坚持的动力，搵啱自己中意嘅方向并往这个方向努力奋斗，对个人长线发展真係好重要哦。

 

 

 

潮人档案　　

姓名：陈衍　　

星座：双鱼座　　

爱好：捣腾服务器、玩游戏　　

威水史：参与工作后，带领团队职务研发出移动机器人领域产品，取得十多项实用新型和发明专利；2019年，参加第 45 届世界技能大赛移动机器人项目中国队选拔赛，获广东省选拔赛成绩第一；2021年，担任中华人民共和国第一届职业技能大赛移动机器人现场解说员。