|
|
|
|
|
|
|
|
|
|
|
|
一讲到“马赛克”，好多人首先谂起嘅係“打格仔”，其实“马赛克”嘅原义係镶嵌工艺。壁画艺术、老屋瓷砖墙、绿白相间的地板砖，都係用马赛克工艺制作嘅成品。一堆本应被丢弃嘅碎瓷片，喺巧心拼贴下，即刻可以变成精美艺术品。重建破碎、乱中寻找秩序，就係马赛克最大嘅魅力。 黄芷晴/文 秦丽莹/图 平面入门easy job 壁画、瓷砖呢啲大型嘅制作耗时又耗材，如果想为日常生活增添一点破碎拼凑嘅美好，不妨试下自己DIY一块小清新嘅马赛克杯垫。不起眼嘅碎片，通过色块嘅碰撞、不规则边边角角嘅融合，会产生奇妙嘅视觉效果，焕发出新嘅生命力。大家可以通过自己嘅想象力，利用旋转、平行、渐变等等手法，用缤纷碎片拼贴出独一无二嘅造型。除咗杯垫之外，花樽、茶杯等等日常器具，都可以用马赛克工艺嚟装饰打扮，杯垫嘅平面空间感，会令你学习呢门手艺嘅时候更容易上手，学识之后大家就可以发挥自己嘅小宇宙，尽情创作自己嘅碎片美丽新世界啦。 1准备好材料 填缝剂、胶水、马赛克瓷片、底盘、清洁海绵。 网购平台上有现成嘅材料包，一键入手成套装备，啱晒容易甩漏嘅小伙伴 2材料清洁 用湿抹布擦拭底盘和瓷片上的灰尘，保持材料表面清洁，避免粘合不实而脱落。 3涂胶水 喺瓷片上涂上适量胶水，按自己嘅谂法，拼出自己嘅dream picture。注意唔好一次涂得太多胶水，每一步都要等胶水干透瓷片固定，再进行下一个步骤。 4调制填缝剂 将填缝剂粉末同水按1:4嘅比例，多次少量加水混合，搅拌至牙膏状。填缝剂太稀或者太稠，都会影响最终成品效果。 5填充瓷片缝隙 用填缝剂填充拼好的瓷片杯垫，用刮刀刮平表面。成个过程就好似同蛋糕抹奶油咁，十分治愈。 6清洁多余填缝剂 用清洁海绵，擦拭覆盖在瓷片上的多余填缝剂，擦得越干净，杯垫成品效果越好。 7等待成品干透 制作小贴士 ①制作杯垫嘅过程中，如果觉得瓷片大细唔合适，可以用厚少少嘅抹布包住大瓷片，再用锤仔对瓷片进行再加工。因为瓷片边缘锋利，DIY嘅时候记得小心拿捏，唔好割伤自己。 ②清理填缝剂嘅时候，要尽量选择在填缝剂半干或者全干嘅时候擦拭，以免材料太湿润造型擦拭后表面斑驳不平整，影响最后嘅成品美观。 ③如果想自己嘅作品更耐用磢镜，可以喺最终作品上加涂一层透明胶水做封层，望落会更闪亮。
