扮靓靓！萌宠喜庆去拜年

　　

　　

　　过新年啦，买新衫、办年货，可以话係大家年前最欢乐嘅节目。大人、细路都准备就绪嘅时候，千祈咪忘记屋企嘅萌宠们，都要帮佢哋准备番一套靓靓过年装备。如今，宠物嘅各种行头已经越嚟越多花臣，快啲嚟睇睇边款最得你心！

　　

　　郭玮/文 品牌官网/图

　　

　　

 

　　“战衣”好应景

　　

　　

　　人靠衣装，动物都可以靠变装！靓靓宠物衫，係好多宠物主人过节帮爱宠打扮嘅最有效装备！依家啲宠物衫真係花多眼乱，从材质到款式，可以满足唔同pet pet嘅需求。长毛嘅猫猫和狗狗，可以选择啲薄身啲嘅面料俾佢哋，卫衣、衬衫应节嘅款式都多，新春佳节就梗係要拣鲜艳啲嘅配色，寓意下鸿运当头啦。如果係无毛猫呢类畏寒嘅宠物品种，就要拣毛线衫或者羽绒衫，唔单止保暖，手感仲劲软绵绵咁，令小动物着得舒适、主人摸得舒服。因为春节到，唔少动物衫仲推出节日主题系列，例如发发声嘅麻将、1:1还原嘅醒狮外套、cos卡通人物等，真系好喜庆嘎。咪以为只有“喵星人”同“汪星人”有时装，连鹦鹉、乌龟、蜥蜴都有专属靓衫，精致程度完全可以媲美人类服饰。

 　　

　　醒狮外套

　　

 　　

　　bfulo毛衣

　　

 　　

　　乌龟衣服

　　

 　　

　　小七鹦鹉工作室旗袍

　　

 　　

　　龟龟以龟蜥蜴衣服

　　

　　配饰得得戚

　　

　　

　　有啲“小可爱”唔多中意身上有嘢束搏，穿咗衫仔之后容易发脾气，如果你嘅小乖乖係咁嘅性格，但你又想帮佢扮下靓，影番几张大片，可以用啲细细哋嘅小配饰，一样可以打造氛围感造型噶！帽子搭围脖係最标准的组合，可爱兔耳朵、虎虎生威刺绣、带恭喜发财字样嘅配饰等，全部都啱晒过年嘅场景。单独挑选帽或者围巾都可以玩出花，冷线织嘅铃铛立体又精致，软绵绵唔怕整亲小动物，财神爷帽仔够喜庆，过年分分钟帮你逗多两封利是啊！龟龟、蜥蜴嘅脑袋虽然细，但啲帽仔一样可以整到似模似样噶。

　　

 　　

 　　

　　GUGUT宠物帽子

　　

 　　

　　财神帽子

　　

 　　乌龟草帽

　　

　　

 

 　　

　　鹦鹉项圈

　　

 

　　

　　

　　仪式感满分

　　

　　

　　辞旧迎新嘅仪式感，当然少不了贴福字、挂春联！大家换好晒自己屋企大门、房门嘅“红纸仔”之后，不妨帮“小可爱”嘅安乐窝都贴翻一副“猫肥家润”对联啦。专门for宠物窝嘅对联，比我哋日常贴门口嘅size细好多，仲会根据唔同嘅宠物设计专属内容：汪汪大吉、喵宅妙哉、兔飞猛进等等，大玩谐音梗，寄予好意头。如果觉得贴嚟贴去都唔啱心水，都有直接一体成型嘅新春风猫抓板，用瓦楞纸做成，可以比小动物练下爪，有啲产品整体造型好似间屋仔咁，爱宠玩到瞓觉都唔惊冷亲，外观已经print好晒金黄、鲜红嘅过年色，以及各种福气字句，就算爱宠唔玩，放喺屋企都已经係一个喜庆摆件啦。

 　　

　　宠物对联

　　

 

 　　

　　大吉大利猫抓板牛奶盒

　　

 　　

　　噗扑实验室 兔年大吉猫咪礼盒

　　

 　　zeze猫抓板