“进阶”人生 活出精彩

　　

　　人生嘅各个阶段都有不同的精彩，近期有3款真人秀，带大家体验人生三个不同时期的旅程：一班后生仔回归农村田园，化身“新农人”自力更生；几位阅历丰富嘅“姐姐”开茶话会，埋堆探讨各种人生话题；四对画风不同嘅夫妻，在集体旅行中探寻婚姻的“幸福密码”。一齐去片，感受来自人生不同阶段的魅力吧。

　　

　　郭玮/文 海报、剧照/图

 

　　

　　农耕助成长

　　

　　从栏目名就睇得出，《种地吧》係一档同田园耕作有关嘅综艺。十个后生仔组成“种地小队”，投身到真实的农村生活中，参与耕耘劳作，见证稻谷发芽直至收获的全过程。节目中，“种地小队”事事都要自力更生，小到耕种工具嘅维修，大到百亩田地嘅种植规划，甚至收成后的销售盈亏，都会由呢十位农民新丁自己执行。呢档综艺除咗要培养年轻人珍惜粮食的价值观之外，亦希望通过耕作过程，激发新时代年轻人奋发向上嘅动力。每期节目嘅飞行嘉宾亦同常驻嘉宾一样，会参与到各项耕种劳作中，流量小生龚俊前排都现身节目，落田、煮饭样样都试过。呢个劳作向真人秀最有意思嘅point，就係大家都无惧泥泞水湿，全身心投入耕田嘅快乐中去，从中收获到大自然嘅治愈，超有成就感噶！

 

 

 

 

　　有咩唔怕讲　　

　　

　　《展开说说》原名为《这是可以说的》，斋睇个名就feel到，呢个节目会倾好多“你不知道的事”。傅首尔、杨笠、易立竞、杨天真四位口才了得嘅“姐姐”担任节目主持，每期邀请不同的嘉宾，参与到姐姐们嘅茶话会中，回应一啲直击灵魂嘅拷问：面对邪恶的自己，係抗拒定係迎合？离婚后，想不想再给自己一个机会？想做“女神”定係“女王”……对住四位主持咄咄逼人的提问，嘉宾的真实想法都要无所遁形。谈话之间，四位“姐姐”仲会同大家分享下自己丰富的人生阅历，俾啲人生经验过你。虽然话，访谈类节目一般就係斋talk，但嘉宾喺轻松嘅气氛中，都渐渐卸下“盔甲”、敞开心扉，纷纷讲出娱乐圈中的烦扰事。淤嘅经历分享出嚟，等大家笑下；惨的回忆，在倾诉之后就可以真的放下；欢乐嘅事情share咗，会变double开心……有咩唔可以讲下呢？睇完你可能就会对过往好多事都释然了。

 

 

 

 

 

　　CP放大招

　　

　　

　　《妻子的浪漫旅行》IP已经做到第六季，每辑都有娱乐圈中嘅模范CP用自身经历，教晓大家新型嘅夫妻相处之道。在最新一季节目中，有一言不合就冷战嘅刘芸、郑钧夫妇，越吵会越恩爱；鲍蕾、陆毅夫妇将“浪漫”定为人生格言，丈夫更直言因为遇到太太，佢会一直相信爱情；苗苗、郑恺夫妇话题性高，夫妻相敬如宾，又别有趣味；新婚燕尔嘅陈乔恩、曾伟昌夫妇，就好似偶像剧奔现咁“抓马”，男宠女爱超sweet。每组CP都有自己嘅特色，相处模式令人惊叹又羡慕，观众可以从中收获嗑CP的乐趣，或者借鉴到新式嘅夫妻相处之道。