Color晒朋友圈 星光熠熠闪到爆

　　策划：董华海、骆苹、曾敏妍

　　统筹：曾敏妍、郭玮

　　执行：郭玮、秦丽莹、王慧诗、张子殷

　　

　　作为大湾区粤语第一潮报“揸fit人”，每期《可乐生活》都会好多明星艺人Friend嚟作客，可以话喺“型男索女收割机”！如果《可乐生活》有“朋友圈”，佢嘅日常会係点样？趁住我哋就快20岁生日，可乐君决定要晒下自己星光熠熠嘅朋友圈，俾大家睇下我哋羡煞旁人的日常：同“石敢当”倾计互怼、睇“爆炸头”唱歌做show、带“师兄”行街食嘢、跟“廉记”探访非遗……我哋唔止friend多又有趣，仲有坚持做咗好耐嘅栏目，係fans追住睇的目标。准备好就开启我哋嘅Color星光之旅啦！

　　郭玮/文  Color团队/图

 

　　爆料随时有

　　自从我哋今年开设咗直播间，越来越多明星艺人Friend中意嚟探访，直播我哋唔走套路，简单倾计太normal，通常会喺互动过程中就原地互爆大镬：边个朋友多，你嗰行收入点，新歌灵感来源有桥妙……每期“封面故事”嘅主角，都会同我哋有独家对话，精彩爆料，随时降落。

 

 

 

 

　　听歌要听show

　　我最中意玩花臣，同样係唱歌仔，我唔兴去KTV，一睇就睇歌手Friend上台开show先威水。大家最爱嘅“初恋”曾比特，最近带住两位靓声好朋友，举行“穿梭”巡回音乐会，第一站就嚟Color大本营羊城创意产业园，带大家畅游佢嘅音乐世界，回味经典嘅港乐。而歌手Friend一有新歌，都会第一时间@我哋。

 

 

 

　　学嘢劲过瘾

　　吃喝玩乐我哋最在行，同时可乐君都中意喺娱乐中学嘢。玩转非遗，我会约埋明星艺人去，今期鬼鬼马马嘅曹永廉就会喺瓷碟上画画，窑烧之后定格广彩之美。讲粤语我就讲最正宗，嘻哈组合Fama农夫唔识耕田，但就会同可乐君·牛牛拍硬档，齐齐玩转粤语梗。

 

　　好味食唔停

　　可乐君平时就会钻窿钻罅，搵到地道又好玩嘅美食店，帮大家先去试水。湾区朋友嘅胃口好就众所周知噶啦，明星朋友仔嚟到广州觅食，作为潮人地胆嘅Color梗係要出动！性价比炸裂嘅糖水铺、霸屏排行榜高位的煎饺王、贴地有故事嘅大排档、仲有饮过翻寻味的咖啡店……可乐君带住”师兄“刘浩龙“特种兵式”扫街食好嘢，顺便听佢讲埋佢嘅成长故事，又sweet又warm嘅date day，唔係个个有机会试到噶，“师兄”date完大呼：“肥龙今次真係食到滞！”

 

　　百足咁多爪

　　睇完我嘅朋友圈，係唔係觉得可乐君每日周围走，好难捉摸？除咗醒目又靓仔嘅可乐生活融媒体直播间，可以活捉野生嘅可乐君，仲可以喺微信、微博、羊城派、微信视频号、抖音、哔哩哔哩、小红书、喜马拉雅等新媒体平台，收到我嘅精彩动态！“Color班马”呢个名，唔该大家mark一下，因为佢係我嘅小号，专门同大家爆料明星艺人朋友同我哋互动嘅精彩花絮、好玩剧透。