AGA：努力十年，圆梦红馆

　　对粉丝而言，《可乐生活》最大标识度就係五彩嘅“COLOR” logo以及型仔靓女嘅明星艺人封面啦。每个出现喺封面嘅艺人，都会同Color有独家对话，将发展计划、工作感悟等透露俾我哋知。AGA江海迦可以话係我哋嘅老友之一，今次佢係嚟倾一下最近准备紧嘅演唱会《ONEDERFUL LIVE》，呢个係佢出道十年嘅“汇报演出”，亦会係佢下一个十年嘅开篇。

　　郭玮/文 经纪公司提供/图

 

　　初心不变

　　最近AGA推出新歌《Miss u goodbye》，佢话好中意呢首歌嘅歌词，有开心嘅回忆，有不舍又有执着，恐惧中藏有愤怒，贯穿咗人嘅喜怒哀乐，佢话：“成个人生都喺晒入面。”AGA透露，佢今年准备打造一只专辑，提醒大家要好好照顾自己，呢首《Miss u goodbye》就係其中一首，主要係劝慰大家要释怀、放低执念，“放手一啲你一直抓得好紧嘅嘢，可能会如释重负，呢样嘢亦可能变得更美好。”如果话要搵一首歌形容AGA最近嘅心情，AGA会选佢十年前第一首派台作品《哈啰》。AGA仲记得，当时听到自己嘅歌声从收音机里面传出，感觉好震撼，即使到咗依家，佢每次听到呢首歌，都会提醒自己中意音乐嘅初心。

 

 

 

 

　　感恩有你

　　2023年上半年，AGA话自己过得非常充实，写歌创作、拍music video，将自己好多想法都实现咗。前几年，演唱会嘅计划搁浅咗，反而俾咗佢一个break整理心情，潜心创作新歌。喺街上撞见歌迷，歌迷会问几时可以见到佢嘅舞台；上网嘅时候发现，唔少歌迷坚持唔退票、等佢开show……呢啲小确幸，都成为咗AGA不断进步的动力。AGA感谢歌迷朋友嘅支持，令佢好快从迷惘中走出嚟，坚持锻炼身体、keep好体能，时刻为开show做好准备。佢希望喺今年下半年，自己可以带住精心打造嘅新作品，去唔同嘅地方同歌迷见面、分享自己嘅创作故事。

 

 

 

　　完美live

　　为咗回应歌迷的等待与期望，AGA决定拿出200%嘅努力，打造全新舞台《ONEDERFUL LIVE》。《ONE》係令大家认识佢嘅“初歌”，充满回忆嘅《Wonderful U》则係佢音乐新旅程嘅代表作，两首歌係佢在音乐成长路上的重要标记，将两首“主题曲”二合为一，就成为AGA 2023年演唱会的名字《ONEDERFUL》，名字中还藏着“ONE Life Wonderful Life”的意思呢。AGA一直keep住努力，呢几年嚟细心琢磨嘅新歌新作，为自己今次演出的歌单提供咗豪华阵容的“歌库”，佢希望喺呢个show交出完美的“成绩单”。AGA嘅演唱会将会喺8月底举行，宣传海报上佢的造型充满科技感，相当抢眼，恭喜佢圆梦登上红馆。