睇曾比特开show 冧过“初恋”

　“国民初恋”曾比特，6月17日喺羊城创意产业园嘅中央车站，举行咗曾比特“穿梭”巡回音乐会首站。代表作嗨唱、经典舞台重现、仲有冧爆情歌自弹自唱，为“爆炸糖”们打造咗浪漫甜蜜的一夜。结束后佢仲同Color做咗个show后总结，叫大家一起期待佢下一站的惊喜。

　　郭玮/文

　　主办方提供、秦丽莹/图

 

　　《初恋》重现

　　无论有冇爱恋经验，喺现场听Mike唱《初恋》嗰份快乐都会好新鲜。Mike邀请咗全场观众起立，聚光灯下伴随着Disco同Funk嘅律动摇曳，经典港乐同现代编曲的交融令你颠倒，轻快到感觉飘起来。Mike话，自己本身就好中意呢种快节奏曲目，《初恋》确实係可以代表佢自己嘅一首作品。除咗《初恋》，Mike都演唱咗《我不如》《我不是邱比特》等代表作，喺今次舞台嘅歌单中，佢加入咗好多自己钟意的作品嚟翻唱：浪漫的《夜空中最亮的星》，old school的《有谁共鸣》，同埋令人惊喜的《玉蝴蝶》。佢话希望通过呢份有“私心”嘅歌单，令大家了解到更多唔同面的曾比特。

 

 

 

 

　　冧到入心

　　首次举行自己嘅个人音乐会，有啲腼腆的Mike不时同大家比个心，讲一句“多谢”，都冧到大家雀跃尖叫。“穿梭”嘅现场，就好似係Mike同“爆炸糖”们“坠入爱河”的浪漫之夜，双箭头的爱值得久久回味。虽然现场气氛热烈，但Mike都係觉得有啲美中不足，佢话自己有好多嘢想同大家讲，但因为内心有啲小紧张，喺现场同大家少咗啲交流互动。从翻唱《初恋》爆红人气大增，到现在可以举行自己嘅个人show，大家对Mike的爱令佢有不断进步的动力，佢觉得自己成长咗好多，开始越来越清楚自己的方向。Mike仲话，大家一起大合唱嘅moment，係佢觉得最感动的瞬间：“感觉到自己的音乐被大家认同，好开心啊！”

 

 

 

 

　　无限可能

　　“初”次同个人舞台上的Mike相见，有几多人“恋”上佢嘅独特魅力咧！Mike话最近佢学紧新乐器，广州站的舞台做咗钢琴王子，下一站可能就会有啲新惊喜？除咗玩音乐外，Mike话佢觉得自己係个正经、唔搞笑嘅boy，所以佢想挑战一下拍喜剧。之前有幸参演电影，喺里面客串咗“古惑仔”，佢都觉得自己唔够古惑。今年嘅to do list，Mike正在努力完成中，之前立flag话要写新歌，依家都已经渐入佳境了，大家真係可以期待一下哦。曾比特“穿梭”巡回音乐会仍在继续，唔知大家会喺边一站同“初恋”fall in love咧？