与曹永廉探寻广彩之美

　　除咗去吃喝玩乐，Color君现在都好留意喺我哋身边嘅非遗之美。从去年开始，我哋每一期可乐报嘅“UP在湾区”栏目，都会带艺人去学非遗、品美食、玩转非遗手艺，亦因此同艺人们有更深入嘅交流。今次就会同“廉哥”曹永廉佢挑战一下广彩技艺，先试下喺瓷碟上画画！

　　郭玮/文   叶思玲/图

 

　　广彩有段古

　　广彩即广州织金彩瓷，指广州地区烧制的织金及其采用的低温釉上彩装饰技法。广彩以色彩绚丽、构图严谨、绘工精细为最大特色，喺清代康熙乾隆年间繁荣发展。广彩图案一般以传统花鸟瓜果为基础，并仿照织锦图案，以金色作“锦地”，行话称之为“织金”，多为线描与平涂相结合，因为花纹布满器体，所以以其“绚彩华丽，金碧辉煌”而闻名于世。广彩技艺既係传承传统工艺制作手法的彩绘艺术，又係一种吸收咗欧美艺术精华的创意工艺品，係中西文化交流的结晶，至今已经有三百几年的历史。

 　　传承人周师傅

 

 

 

　细节考眼力

　　咪以为广彩就係喺个瓷碟上面画下水彩画啊，要完成一个广彩作品，都需要经过繁琐嘅工序，一啲都唔可以马虎噶！首先就係要选定作品嘅基础白胚，喺白胚上按照主题设计的主画面，用陶瓷颜料进行“写瓷黑”，即用黑色颜料素描出主画面的线条；再通过色彩的填充、调色、洗染等等步骤，最后放入锅炉烧制。廉哥拣咗广州地标“小蛮腰”嚟填色，而可乐君就睇啱咗充满羊城风味嘅五羊雕像。一开始以为just填色好容易嘅我哋，真係太天真了。原来上色的颜料会水料分离，需要用画笔蘸取再调和，点多咗水会太稀、颜料就容易流到出界，但太干又唔容易着色。瓷碟上的线画好多细节，有啲微细嘅地方真係好考眼力。通过我哋嘅努力，成品确实令人惊艳，不过最终成色都仲係要通过烧制先会显现，令大家十分期待！

 　　阿廉成品

 　　牛牛成品

 

 

　　融入新元素

　　广彩係广州传统嘅非遗手艺，周师傅作为新一代嘅非遗手艺传承人，都希望可以有多啲年轻人投身到非遗技艺嘅学习中。随着时代嘅发展，传统嘅广彩都融入了潮流、科技元素，例如依家除咗用比较传统的图案，师傅都尝试用一啲潮人喜欢嘅图案嚟做作品；制作过程中，亦会通过电脑技术绘画，令细节更精致。正因为有呢啲新时代色彩嘅融入，广彩已经从单纯嘅艺术品渐渐融入到大家嘅日常生活与工作中，吸引更多年轻人的关注，让非遗技艺焕发出新的生命力。