职场激斗有新睇头

　　进入下半年，TVB又有一波新剧上线，其中三部职业剧成功引起大家注意。电视台新闻部嘅女主播，明争暗斗争上位；警队精英有神助攻，预知未来、提前救世；检控官同大状PK，对薄公堂后私下面阻阻…… 职场有激斗，新竞技场、新组CP，睇落都好吸引。

　　郭玮/文 剧照、海报/图

　　全员恶人力争上位

　　佘诗曼为《新闻女王》回巢拍剧，令大家惊喜，一返嚟就担大旗做“女一”，可见高层对佢嘅重视。呢部剧以电视台新闻部作为主战场，部门内靓女如云，主播们争上位、斗出色、抢男友……各种激斗轮番上线，佘诗曼喺剧中嘅角色係部门的台柱、新闻界的女神，而李施嬅饰演的对手中途杀出，同佢明争暗斗；何依婷一改乖乖女形象，成日恶言相对；sexy傲娇嘅高海宁，剧透有泼红油、反枱情节，真係够晒泼辣；仲有马国明穿插其中，暧昧的三角关系引人好奇。除咗明争暗斗的剧情，场面都好震撼刺激嘎，为还原突发新闻现场，《新闻女王》中仲有大量枪战、爆破、交通意外等场景出现。

 

 

 

 

 

　　“超能使者”再次出动

　　早排播出嘅《隐形战队》《超能使者》等剧收视喜人，观众都期待会有续集。它们的续集未有动静，不过由这两个剧集嘅原班人马打造嘅《夺命提示》，就已经完成制作。该剧讲述一则“死亡预告”引发的一连串案件，呢则预警係来自未来的神秘力量，定係暗中有大boss操控一切？要靠一班警队精英揭开个中秘密了。金牌监制文伟鸿再次邀请陈山聪担纲男主角，呢部剧亦係佢升呢“视帝”后嘅首部作品，同刘佩玥搭档多次之后首演CP，激情动作戏拍到道具都塌埋，两人笑言过程好爆笑。而前几部戏都同山聪饰演情侣嘅刘颖镟，今次却同张振朗搭档，被赞“全TVB最好打嘅女明星”，预告中见到佢再次穿起背心短裤，狂晒索爆身材同好身手……无论阵容定係剧情，《夺命提示》都带有《隐形》同《超能》的影子，期待佢正片出街都可以同两部前作一样咁吸引人。

 

 

 

 

　　关系复杂对簿公堂

　　律政剧一直係TVB擅长嘅剧种，马德钟与陈炜继《双生陌生人》后再次合作，喺《非常检控观》中饰演职场新对手。身为“检控官”嘅马德钟与“大律师”陈炜本身係一对旧情人，阴差阳错下变成叔嫂关系，喺法庭上唇枪舌战已经斗到不可开交，翻到屋企仲要你眼望我眼、面阻阻，复杂微妙的关系，既暧昧又带有火药味。呢部剧涉及多宗案件，办案时会用到好多法律专业术语，一班演员对此“怨声载道”，陈炜自嘲记性差、难记台词，亦为出演角色剪去一把长发，挑战清爽干练嘅形象。马德钟同西装嘅匹配度劲高，非常适合饰演检控官呢个角色。