麻辣夜晚可以玩啲咩

　　后生仔女嘅夜生活可以点精彩法？近来好几部电影都係以夜晚做背景嘅：长沙市井人会一边嗦粉一边倾计，看透人生；各怀鬼胎嘅坏蛋一起打边炉，热辣辣咁出衰“煮”意；唔食嘢可以听睡前故事，但搵唔到真爱就唔俾瞓……一起趁住“夜深人静”，打开呢滴“麻辣”煲开餐啦。

　　郭玮/文  剧照、海报/图

　　食宵夜谈心

　　“霸蛮”係长沙人嘅代名词，形容佢哋豪爽霸气有个性，就好似湖南美食咁，热辣重口回味无穷。由尹昉、张婧怡领衔主演嘅《长沙夜生活》，发生喺好普通的一个晚上，一群原本冇交集嘅“夜猫”相聚于一个宵夜大排档，边食边倾人生，爱情、亲情、离别等等各种情绪交织，通过一餐百感交集嘅宵夜，佢哋渐渐开始接受、和解……虽然大家际遇唔一样，但放慢脚步，大家都将内心中最柔软的嗰面搵翻出嚟，“霸蛮”亦有温情，互相疗愈。电影仲有张艺兴、周冬雨、王栎鑫、何炅等人惊喜客串，一起从年轻人的视角，看看城市的烟火气。

 

 

 

　　打边炉度桥

　　夜深人静时，好多人中意打边炉，唔一定係肚饿，主要係将新鲜嘅食材熠下熠下咁，熠到热辣辣再食落口，嗰种口感好畅快。喺《没有一顿火锅解决不了的事》中，讲述一群心怀鬼胎嘅人，佢哋贪婪、多疑、狡猾，令分赃过程矛盾升级，边食火锅边谂诡计，产生了层出不穷嘅悬念，一餐火锅解唔解决到佢哋啲问题？剧情越变越悬……杨幂化身“人狠话不多”嘅化妆品电商，性格泼辣火爆，一听就有麻辣锅feel。于谦喺剧中嘅角色负责管理小戏台，因产权问题有啲头赤。几个人都希望喺呢餐火锅中获得最大利益，局中有局、计里有计，在人算不如天算嘅故事里，最后边个会得偿所愿？

 

 

 

 

　　锡锡搵真爱

　　夜晚除咗食，最啱就係听童话故事！Sweet Sweet嘅《睡美人》大家听得多，反转成“睡王子”嘅故事听落就好盏鬼了；一吻定情、一吻青蛙变王子嘅故事，你哋都听过，但一锡人哋会瞓着的奇葩设定，又几耐人寻味。《三贵情史》中嘅男主角，因为“天神眷顾”得到特异功能：凡係俾佢锡过嘅人都会沉睡过去，直至到佢搵到自己嘅真爱……唔锡又唔知係米真爱，锡瞓咗人哋又唔知点算，胡先煦饰演嘅三贵为咗破除呢个奇怪嘅魔咒，都只能够努力锡锡啦。童话通常都有happy ending嘅，三贵会遇到改变佢命运嘅女仔，一起携手展开有趣的冒险活动。