天作之“盒”

　　中意潮鞋嘅人，会连花样多多嘅鞋盒都中意埋。今年，安踏海沃德4代专门推出嘅中国行限定猕猴桃配色，鞋盒还原咗猕猴桃水果包装式样，令鞋盒都变得好新鲜，sweet到爆。虽然话鞋盒只是鞋的配件，但过往有好多联名鞋盒设计特别，甚至成为经典，被球鞋爱好者收集、珍藏。如果同奢侈品牌嘅联名鞋盒，仲会好值钱添！等我哋一起睇睇呢啲天作之“盒”啦。

　　

　　郭玮/文 品牌官网/图

 　　安踏海沃德4代猕猴桃

　　sweet到爆

　　

　　运动鞋同少女心，睇落好似大缆都扯唔埋，睇下各品牌点样各出奇招噶？UZIS x 匹克联名鞋盒马卡龙雪糕嘅配色，减弱咗波鞋、运动拖鞋嘅硬朗感，巧妙地将鞋盒设计成粉红mix粉蓝嘅雪糕车造型，半透明盒面设计令人一眼就俾里面嘅靓鞋吸引，完全唔会有“妹仔大过主人婆”嘅感觉。直接用雪糕同波鞋联名就有更多惊喜，用雪糕桶做鞋盒，奶牛花纹搭配蓝天白云，斋睇外表仲以为卖嘅係大桶装雪糕，望落就已经透心凉，倒出来竟然係同款花纹嘅波鞋。仲有款朱古力威化同波鞋联名球鞋，plus版嘅大鞋盒特别做咗金装版设计，盒里除了有潮鞋，真係有巧克力威化饼啵！鞋同鞋盒一set嘅配色，潮味十足。

 　　M&M’s x Adidas 巧克力鞋盒

 　　The Shoes Surgeon

 　　Ben Jerry's x Nike奶油雪糕鞋盒

 　　UZIS x 匹克冰淇淋车鞋盒

　　奢华离地

　　

　　你估唔到嘅係，奢侈品都好最中意同波鞋玩联名，除咗将品牌嘅logo 、配色、标志性元素融入潮鞋外，喺鞋盒上会show出自己牌嘅奢华理念。Tiffany & Co. 和 Nike 推出咗专为 Air Force 1 1837 设计咗一个纯银鞋盒，因为工艺复杂、材料成本同手工制作成本高，呢款鞋盒价值上万元，限量只得一个。Air Jordan都越玩越高端，为自己旗下嘅潮鞋配置咗手提箱、工具箱式嘅鞋盒，增加大家嘅开箱嘅仪式感，令波鞋变成精致嘅艺术品。Gucci同Adidas联名定制嘅鞋盒，简直就係鞋箱或者衣帽间！可以同时放入12对鞋，每个鞋位有单独的玻璃挡板，底部配有皮革柜筒，另一边係双开门设计，有可拆卸嘅沙发凳同埋专属试鞋镜，柜门上配有贵金属制作的挂钩，即係仲可以将靓鞋show出来。

 　　Adidas X Gucci鞋箱

 　　Air Jordan 1手提箱鞋盒

 　　AJNT 23手提箱盒

 　　Adidas X Gucci鞋箱细节

 　　Nike x Tiffany & Co. 银制鞋盒

　　

　　玩到出面

　　

　　潮鞋鞋盒仲可以喺材质、设计方面搞搞新意思。用木质代替纸皮，鞋盒就可以变成耐用品！NIGO主理的COLD COFFEE 店铺内，就有一个木制的Converse鞋盒，由店铺未开保存至今，已经係古董级别。eBay x Nike联名的梯级型木质鞋盒，上半部分係开盖式设计，方便取用常穿嘅鞋子，下半部分係抽屉式设计，用于存放珍藏版战靴，玩滑板嘅时候佢仲可以变成花式梯级踏板，功能真係几多啵。同乐高联名嘅波鞋，鞋盒当然就用乐高积木砌成，买对鞋仲送一套积木，用来打造自己的乐高梦乐园吧。想DIY一个专属自己嘅鞋盒，可以试试DBRukia嘅涂色盒，将鞋盒设计成黑白线条，附送上颜色笔，俾足空间大家发挥。

 　　converse古董木鞋盒

 　　eBay x Nike梯级鞋盒

 　　DBRukia 涂色盒

 　　LEGO x Nike

 　　LEGO X Adidas