“粉上”芭比粉

　　近日，电影《芭比》上线，大家同由细玩到大嘅dream toy奔现，真人芭比令原本梦幻离地嘅芭比形象变成现实，带起一波粉色旋风，穿搭、首饰、美妆……全线芭比化！快啲同Color君一齐，进入芭比的世界啦！

　　

　　郭玮、黄译萱/文 品牌官网/图

 

　　亮眼粉系穿搭

　　

　　芭比系列之所以吸睛，係因为佢大面积运用咗高饱和度嘅玫红色。芭比系列嘅服装一般会用玫红搭配粉红、荧光粉、火龙果色等红色系，加上拼接、格仔、撞色、蝴蝶结等设计。超显气质嘅连衣裙，显身材嘅露腰两件头，“贵族”专属小香风，长腿诱人的运动装……大家可以跟住芭比学穿搭。就算係男仔，穿上芭比色系嘅T恤都唔会违和，玫红深色显得肤色更硬朗，粉嫩浅色啲整体造型就比较清爽，同女朋友一齐穿CP装真係超有feel。唔少朋友仔仪式感十足，搭齐成套装备去睇电影，屏幕内外都Barbie满满。

 

 　　Zara 芭比背心

 　　Weird Market芭比联名短上衣

 　　Weird Market芭比联名半身裙

　　

　　超大甜美首饰

　　

　　芭比喺电影中经常佩戴显眼嘅首饰，饰演芭比嘅演员Robbie喺戏外出席宣传活动嘅时候，都会复刻经典芭比公仔嘅造型，戴上夸张嘅首饰。芭比嘅耳环、颈链多用玫红宝石衬上珍珠、闪钻，造型则大多为爱心、蝴蝶等等甜美look，同佢啲服装好衬。太夸张嘅首饰离开电影就有啲太抢眼，唔少首饰品牌就用其中嘅元素打造咗适合日常佩戴嘅小饰品。黄金手链中间镶嵌Barbie的“B”字样，颈链就用咗爱心形粉钻配上银色蝴蝶结，就算唔係抢眼玫红色都可以令你成为万花丛中嘅“显眼包”。

 　　剧照：珍珠耳环

 　　剧照：CHANEL宝石项链

 　　周大福芭比联名手链

　　粉嫩加闪妆容

　　

　　精致嘅“猪猪女孩”，想打造靓丽芭比风造型，甜美的粉色妆容就唔少得啦！不过，唔係所有粉色都适合大家，想要一个精致的妆容，拣啱色号好重要。比起直接上“死亡芭比粉”口红，不妨试下先用玫瑰色打底，再小范围叠涂亮粉色点缀，就可以画出粉嫩的蜜桃唇。另外，粉色眼妆都可以增加灵动感，粉棕调眼影盘就冇咁易出错，先用粉棕色加深眼窝，再用豆沙粉扫过眼眶，最后点上blingbling粉色闪片，精致又元气满满嘅眼妆就完成啦！其实，芭比元素唔一定只体现喺妆面上，唔少化妆品嘅外包装都设计得好芭比，当你从包包攞出fashion的粉色气垫、俏皮的蝴蝶结口红补妆时，不经意间就透露出你嘅粉粉少女心，令你成为人群中亮眼的“芭比”！

 　　colorkey珂拉琪-口红R233

 　　NYX-芭比粉口红

 　　colorkey珂拉琪-芭比全套

　　“元气粉波”日常

　　

　　如果你想每日都拥有活力状态，不如同生活加啲仪式感，用“元气粉波“装点日常生活，好似自信芭比咁度过每一天。结束一日的忙碌后，点上芭比香氛泡个澡，抱住爱心抱枕睇睇剧，准备一份精致便当为明天打打气，最后再带上丝绒眼罩美美入睡。保持乐观心态，精致咁生活都会为工作、生活增添唔少趣味，自信啲，做最独一无二嘅芭比啦！

 　　名创优品-便当盒

 　　zara-香薰

 　　名创优品系列产品

 　　名创优品-吸管榴莲杯

 　　zara-丝绒眼罩