浪漫“旅伴”随手拖

　　从特种兵式旅游到City walk（城市漫游），各式各样嘅出行玩法成为现代年轻人的悠闲生活方式。想玩得开心，一个靓仔嘅行李箱就係你嘅最佳“旅伴”啦！市面上有好多新款嘅旅行箱兼顾颜值同功能，拖住佢哋去旅行，係好浪漫嘅事！

　　

　　饶禧/文 品牌官网/图

 　　Samsonite迪士尼系列

　　百变icon

　　

　　独特造型的行李箱，会令你成为旅行路上最潮icon。经常有IP联名款嘅Samsonite，今年同迪士尼合作推出“RAYDIEN DISNEY”系列，将米奇米妮、唐老鸭等经典卡通公仔印喺行李箱面，连内笼都印埋同系列图案，有冧爆嘅IP傍身，在路上嘅心情都会更加轻快。来自香港的品牌Ookonn都相当受潮人们喜爱，行李箱外形设计都是圆形或者有曲线嘅，一定会成为路上的关注点。搭配佢Mini嘅尺寸，可以手提亦都可以拖主走，用起身都好方便。呢个品牌仲提供定制嘅服务，大家可以发挥天马行空的想象力，DIY自己中意的字母和图案，为行李箱打上个性标记，行到边都唔会认错。

 　　ookonn圆形箱

 　　Samsonite迪士尼系列

 　　ookonn曲线形箱

　　管家仔

　　

　　出行最紧要方便，习惯将啲随身物品放晒入行李箱嘅你，遇到安检或者需要取用小物件嘅时候，要将个箱放落地在打开翻找，搞到自己手忙脚乱。Echolac就推出咗一款“前开盖行李箱”，突破传统行李箱嘅整体开合方式，喺行李箱最外一层设置前开口外兜。大家可以将电子产品、重要的证件、随身物品放入里面，好似你嘅随身管家仔咁，帮你随时收纳小物件。开盖位仲有电脑专用隔层，空间大小啱好放入笔记本电脑，取用超方便，行李箱喺外兜上面配置充电接口，随时随地可以充电，打工人出门在外，要应对老板突然发来的急call任务都唔使愁了。

 　　miyo前开盖行李箱

 　　Echolac前开盖行李箱

 　　miyo前开盖行李箱

 　　Echolac前开盖行李箱（充电）

　

　　带你飞

　　

　　拉杆式嘅行李箱，东西装的越多重量就越大。其实，行李箱唔一定要拖噶，仲可以骑住走。Airwheel的“智能电动行李箱”，就係一只可以带着你走的行李箱，行到攰嘅时候，拉起行李箱把手，秒变一部“小型电动车”。“迟到星人”来到大机场、远机位嘅航班， 唔使急，最紧要快！用呢款行李箱化身机场“藤原拓海”，以安全的速度冲去登机口；如果唔想自己开，仲可以打开手机，使用远程遥控行李箱，佢识根据人群智能调节速度，够晒威风啦！不过行李箱内装咗可拆卸电池，箱子的整体容量相对会细啲，比较适合短期出行。

 

 　　airwheel电动行李箱手提

 　　airwheel电动行李箱

 　　airwheel电动行李箱