今年旅游业复苏，大家纷纷趁着好天气出游，但係高温火辣辣、紫外线猛烈，防晒功夫必不可少噶。防晒都可以好潮噶，Color网罗咗依家最hit嘅几款防晒帽，方便潮搭，等你放心同阳光玩游戏！ 王慧诗/文 明星微博、品牌官网/图 渔夫帽 拼接风 鸭舌帽已经潮咗好多年，近年轮到渔夫帽上位啦！今年，我哋可以见到参加综艺嘅沈月、虞书欣，就经常会戴渔夫帽，除咗可以360度全方位遮挡紫外线，不同材质拼接，令佢可以玩出更多花样。渔夫帽喺材质上好多选择，常规款有普通草编同布艺，进阶款就有草编帽顶拼接蕾丝帽檐、双面双色款就可以一帽两戴。除咗材质，佢嘅造型都几多花臣噶，宽帽檐的可以cover晒你的脸和后颈，窄帽檐就可以作为配饰嚟衬衫，令整体造型更青春活泼。仲有啲新奇趣致嘅款式戴喺头上秒变搞怪小精灵，戴出街满满回头率啊！ 空顶帽 多功能 夏天实在太热，想要清凉啲，大家可以试下空顶型嘅帽款。空顶帽的宽帽檐可以遮住整个面部唔受紫外线侵害，头顶冇做遮挡会更加透气，仲唔会压塌你嘅高颅顶添，鞠婧祎、李一桐等女星都超爱噶！喺空顶帽嘅基础上，商家再加入咗一啲功能型小设计，贝壳帽整体结构轻盈，新弧月发箍结构，多层高弹芯材包裹唔会压逼个头仔，兼顾防晒功能，更有设计感。另外，佢可以作为太阳帽遮阳，亦可以卷成发箍佩戴，一帽两戴劲方便，简直係时尚潮人必备单品！ 风扇帽 凉浸浸 风扇帽同空顶帽一样采用空顶结构，宽大帽檐设计，唔同嘅係佢喺帽檐中间挖窿装咗一台小风扇，风扇仲可以调整角度，帽上遮挡阳光帽下又可以制造清凉，简直perfect！风扇帽依家嘅款式越来越多，纯色款比较百搭，适合低调内敛嘅“i人”；卡哇伊嘅卡通款式充满童真，小朋友见到都唔愿走，大朋友可以用嚟扮细路；小怪兽款最适合啲搞怪星人，帽带可以调节长度，大人细路都啱戴。 
蕉下贝壳帽
plumo亲子渔夫帽
骆驼渔夫帽
啄木鸟拼接渔夫帽
蕉下贝壳帽
vcc空顶帽
蕉下贝壳帽
啄木鸟风扇帽
plumo风扇帽
仔仔象儿童风扇帽
-
即时新闻
一帽在首，靓靓我有
来源：可乐生活
2023年08月18日
版次：20
作者：王慧诗
