下班就出发！用轨迹打卡广州夜景

　　下班就出发！时下越来越多年轻人成为“夜动”一族，无论夜跑还是夜骑，一定要动起来！喺夜晚霓虹灯嘅点缀下，尽情挥洒汗水，用运动轨迹打卡美丽的广州夜景，享受呢段健康又潮流的快乐时光。

　　饶禧/文

　　饶禧、HardTopRunClub、Freedom骑行团提供/图

　　

　　

　　夜骑

 

　　

　　感受速度与激情

　　

　　有工作就会有压力，落班嚟翻场“速度与激情”就非常解压！现在，越来越多骑行发烧友选择喺夜晚结伴骑行，迎着夜晚的微风，感受城市的车水马龙。如果齐齐戴统一的头盔、穿醒目的队服出发，那你们就会成为夜色中最亮眼的一team人。在广州骑友圈里，现在有比较成熟而固定的骑行路线，可以选择绕江骑行，亦都可以踩远少少，去到二沙岛、生物岛等地方，避开市区的喧闹。除了叹靓靓夜景，还有什么能让骑友完成骑行？“Freedom”俱乐部主理人向可乐君介绍，佢哋每次出发嘅目标其实就係去食宵夜。每次骑行就去解锁多一个宵夜点，就算路程好长、骑得好攰，但谂到终点有一顿美味大餐，大家自然就有动力了！

 

 

 

 

　　

　　提前准备好重要

　　

　　骑行係三大有氧运动之一，可以提升心肺功能，强身健体。夜骑活动避开咗白天嘅高温和紫外线，在一片美丽的夜色中享受运动的快乐。出行期间，放低“夺命call”嘅电子产品，将紧张情绪尽情释放，感受耳边呼啸的风声，彻底放松心情。但千万要记得，骑行安全要摆喺第一位，头盔的佩戴和车灯的安装係夜骑嘅必备条件。骑行俱乐部通常会根据活动里程，准备足量嘅水随时补充能量。如果你係夜骑新手，要提前学习规范嘅骑行姿势，减少不必要的运动拉伤。而“Freedom”主理人亦都希望大家可以增强骑行意识，自觉遵守交通规则，让这个运动给大家安全又好玩的印象，吸引更多人加入一起玩，感受属于骑行的独特魅力！

 

 

 

　　

　　夜跑

　　

 

　　

　　玩法多够过瘾

　　时下广州最hit嘅夜跑活动，大部分以慢跑、短程为主，冇配速要求和压力，无论你係热爱运动嘅跑友，定係运动小白都可以轻松handle。一个人斋跑会显得有啲孤独，而一班同好之人一齐跑，玩法就可以层出不穷，收获超乎想象嘅乐趣。广州本土嘅一啲跑团俱乐部，会设计老广专属嘅主题跑，集中在二沙岛、东山口等城市的经典地段，让大家边跑边领略羊城夜景的魅力。跑步式打卡亦係好有成就感，例如HardTopRunClub俱乐部会喺过年过节设计一些花街、新年路线，带大家跑出当年年份轨迹图，让跑步变得新鲜好玩、有纪念意义！

 

 

 

 

　　一齐跑更精彩

　　

　　大部分跑步团，每周都会组织一次夜跑，期间可以认识到来自各行各业嘅朋友仔。如果遇上啱key嘅小伙伴，仲可能会成为生活中嘅好朋友，自然慢慢扩充社交圈。跑团活动一般都有跟拍摄影师，帮大家记录快乐嘅moment，活动结束后影翻张大合照，每次活动都有好玩嘅纪念相俾你po，潮爆朋友圈！跑步能燃烧我哋嘅脂肪、强身健体之余，仲能够收获满满嘅成就感。正如Hard Top主理人阿Lok话斋，“喺努力中冲击顶端，成件事都会变得更加有能量。”对于初跑者，跑步路程最好唔超过5-10km，特别喺夜晚，运动强度唔好太大，否则成个人变得亢奋，容易影响睡眠。