去夜市开餐： 人间烟火越夜越精彩

　　冇美食嘅夜晚係唔完整噶！逛吃逛饮是属于上班族休闲惬意的美味时光。想同friend开怀大吃、完全没有负担，广州的夜市就啱晒你！Color君亲自带你探营两个广州最火爆的夜市，行街、食饭、影相一条龙，而且越夜越热闹、越夜越精彩！

　　饶禧/文 黄译萱/图

　　

　　厦滘OMG

 

　　

　　主打放空治愈

　　

　　位于番禺厦滘嘅OMG网红街，亦係有名嘅美食街，各种茶饮美食任你拣：潮汕小食、韩式烤肉、湖南湘菜……只要你讲得出嘅呢度都可以搵到，而且分量唔会少，性价比唔错。美食街上的店的座位比较随意，很适合放空大脑。我哋搵咗间好特别嘅奶茶店坐低，呢间奶茶店主打奶茶与音乐结合，坐在路边望住人来人往，舒服的歌声、高甜的饮料，十分治愈。晚上仲有不定时巡游表演，每次有表演者出现都会将成条街嘅气氛推到高潮。如果你咁啱撞到佢哋，仲会同你热情say hi！

 

 

 

 

　　

　　

　　主题街超出片

　　

　　食饱饮足后，拿着饮料，係时候去OMG网红街“主干道”凹造型、拍大片。街上有各式各样嘅主题靓景：行入国潮街，灯笼花灯高挂，桥下有小桥涓涓流水，让你感觉一秒穿越到古代，行走节奏都要放慢；转个弯去到港风街，经典港式茶餐厅门口，停咗部上个世纪八十年代嘅红色的士，年代感十足；仲有一条美式风格的小街，挂满霓虹灯招牌的街头，贴满复古海报的车站，同墨镜、皮褛元素好搭，最适合扮cool。呢度仲有团建必玩嘅轰趴、街机游戏等玩乐项目，影相玩game，一次过足瘾！

 

 

 

 

　　

　　地址：

　　广州市番禺区厦滘OMG网红直播街

　　

　　

　　植村

 

　　

　　越夜越火爆

　　近排hit爆嘅番禺植村夜市，以超多平靓正美食汇聚而出圈。成个夜市睇起身唔算大，顺着入口兜三圈基本就行完，但胜在摊位密密麻麻，数量有上百个噶。傍晚五点左右，美食摊主们陆陆续续进场营业，落日嘅余光洒下来，忙碌的夜市已经是充满烟火气。到了六点，摊档的美食准备就绪，打工人落班嘅时候亦到了，嚟开餐时间啱啱好！各式各样嘅美食、香味扑面而来，你可能会有选择困难症：今日食啲乜？唔使急，慢慢谂，因为呢度会一直营业到半夜，越夜人气越旺。我哋一于坐喺路边嘅凳仔食完再走，唞下又可以再食，仲可以饮下啤酒倾下计……一日的疲倦会被美食赶走。

 

 

 

　　50蚊食到饱

　　植村夜市美食平靓正，来到吃一整晚，注定热量爆炸，但碳水的快乐令人无法拒绝，人均50就可以食到爆肚。肥美鲜嫩嘅生蚝，臭味上头嘅臭豆腐、Q弹烟韧嘅烤鱿鱼……每一样都会瞬间激活你嘅视觉味蕾。呢度嘅美食品种全面，连最近《偷偷藏不住》电视剧带热嘅网红小食芋泥香酥鸭都可以吃到，摊主用厚厚嘅芋泥包裹满满鸭肉，一啖入口外表酥脆，再搭配鲜嫩鸭肉，口感丰富又解腻；汕尾独有解渴饮品狗毛膏，6蚊一份，清凉解暑够过瘾。另外，如果你买一个椰子，有的摊主会好贴心咁帮你剥好一个完整的椰子球，饮完椰汁就可以食埋椰子肉，同样价钱、双重享受。植村夜市嘅美食，一次肯定食唔嗮，下次再过来返寻味啦。

 　　狗毛膏

 　　芋泥香酥鸭

 

 

　　

　　地址：

　　广州市番禺区大石地铁C出口植村夜市