侧田：用情歌说心事

　　

　　佢係《命硬》嘅情歌王子，唱着《男人KTV》，用《三十日》改变大家《爱的习惯》……佢就係久违内地live舞台嘅侧田，今次准备带住对音乐的爱，举行“第一秒”巡回演唱会。唱K必点嘅经典，风格突破嘅新作，都係佢想用嚟讲心事嘅情歌，第一秒，最想唱俾你听！

　　郭玮/文 经纪公司提供/图

 

　　

　　“一秒”爱情观

　　去年，侧田携甜蜜单曲《第一秒》签约全新唱片公司。呢首作品同佢过去歇斯底里尽show爱意情感嘅作品有啲唔同，用内敛感性的歌声，表达初尝爱情滋味嘅悸动与分分钟都想爱嘅情愫。“‘1生1世’不变”，係主角对感情嘅终极告白；“和你每1秒都新鲜”，係对伴侣甜蜜的赞美；“回归开端那1秒”，则係渴望一直爱与被爱……选择呢首咁sweet嘅作品作为加盟新公司嘅代表作，係侧田想借用情人之间嘅真爱，嚟表达自己睽违两年，对音乐嘅初心依旧未变，就好似佢同歌迷之间的爱一样，永远双向奔赴！

 

 

 

　　

　　

　　情歌有故事

　　最近AGA江海迦举行演唱会，侧田作为特别嘉宾现身同佢合唱《命硬》，全场大合唱嘅场景十分动人，除咗歌声绝美之外，更多嘅係歌声带嚟嘅回忆杀与亲切共鸣。有网友开玩笑话：唔识唱《命硬》嘅朋友会被开除“广东籍”！确实，每位广东潮人去KTV，必点歌单实会有侧田嘅歌，《男人KTV》的“猛男落泪”，《情歌》的无悔痴缠，仲有《Kong》的为爱坚持……侧田嘅每首情歌，都有机会成为大家人生剧本中嘅BGM。如果平时冇机会讲心事，咁听侧田唱歌，或者唱侧田啲歌嘅时候，一定係一个诉说心事嘅good timing。

 

 

 

　　

　　唱歌畀你听

　　侧田从来唔吝啬表现自己喺音乐上的才华，亦唔会炫耀乐迷对佢嘅宠爱有加，只想全心全意地想通过音乐touch到每位听众的内心世界。侧田音乐世界的“第一秒”，係“从此天天似初见”的期待，再次回归音乐舞台，佢想俾大家睇到佢对音乐嘅热忱。“侧田第一秒巡回演唱会”10月6日喺广州启动，等大家嚟全场大合唱哦！