八方来财 大富大贵

　　郭玮/文 秦丽莹/图 林盛斌、郭玮/模特

　　唔係讲钱就一定伤感情嘅，粤文化中关于钱嘅讲法就好好玩！广东人咁爱财，粤语中嘅有钱人会几富贵？可以揿钱嘅地方唔止ATM，仲可以係阔佬？鱼啊、柴啊都可能同钱有关，反而“钱七”真唔係讲钱……心宽体胖、出手豪气嘅“徐富贵”林盛斌嚟啦！佢话今期粤语课堂就要同大家讲“钱”。

 

　　

　　红衫鱼

　　hung4 saam1 jyu4

　　“红衫鱼”嘅讲法喺xi香港比较流行，佢係香港人对100元港币的代称。早前由汇丰银行发行嘅面值100元的纸币，就以红色为主色调，因为佢嘅大小与颜色，同红衫鱼相似，所以香港人习惯性咁将百元港纸称为“红衫鱼”。后来，由汇丰、渣打同埋中国银行三间银行发行嘅100元港币，都制成红色，识别起来就很方便了。

　　造句：呢餐饭吃得大鱼大肉咁，大家AA都几抵，每人一张“红衫鱼”仲有钱找。

 

　　

　　阔佬

　　fud3 lou2

　　“阔佬”喺旧时候，一般係对财主、有钱人嘅称呼，由于经济条件富裕，呢类人嘅日常饮食油水十足，身材自然肥润丰满，因此阔佬一词又可以指代因为生活水平高而长胖嘅人。当时嘅阔佬经常睇唔起平民百姓，所以用呢个词来做代称时，有嫌弃、轻视嘅意味。另外，阔佬身边通常仆人成群，完全唔需要自己操心日常琐事，所以引申出“阔佬懒理”一词，指面对事情不关心、不理会。

　　造句：阿斌自己嘅事情都唔上心，你一于阔佬懒理，等佢自己面对啦。

 

　　

　　揿钱

　　gam6 cin4

　　“揿钱”即取款。“揿”係用手指按压、摁落去嘅意思，香港嘅银行自动提款机（ATM）有好多铁制按钮，提取现金嘅过程需要按压按钮，香港人将呢个步骤称为揿掣攞钱，慢慢就简称为揿钱。早前，香港电视推出咗一档游戏节目《揿钱》，家庭观众可以通过揿遥控器上嘅按钮，来选择正确答案，赢咗游戏嘅人会得到相应嘅奖金，同银行揿掣攞钱有异曲同工嘅手感，节目都几受欢迎嘎。

　　造句：你个friend出手阔绰又思想单纯，怪唔知得成日俾人当提款机咁嚟揿钱啦。

 

　　

　　钱七

　　cin4 cat1

　　“钱七”其实同钱冇太大关系，佢係一个拟声词，用嚟形容船只、汽车喺运作时，因零件松松垮垮而发出嘅类似于“钱钱七七”嘅音效，后来亦用于形容破旧不堪的车辆。喺19世纪中后期，被西方淘汰嘅船只嚟到中国，就摇身变成时髦嘅交通工具，即使还可以使用，由于零件陈旧，佢哋会“钱钱七七”响个不停，十分嘈杂。因此，“钱七”亦衍生出“过时了还继续使用”的意思。

　　造句：你就係上落班用下，唔使买新车啩？攞老豆部钱七去用，悭得就悭啦！

 

　　

　　干塘

　　gon1 tong4

　　“干塘”即係没有钱、身无分文嘅意思。广东人以水为财，遇水则发，有水就证明有钱，富人嘅积蓄会被比喻成“大水塘”，指代佢哋充裕嘅资产。如果积蓄用光，即塘中嘅水用尽，就会变成干塘，缺水即缺钱。

　　造句：David嘅女朋友日日扭计要买奢侈品，唔怪得佢成日话月头就干塘啦！

 

　　

　　湿柴

　　sap1 caai4

　　“湿柴”原意係被水打湿的木材，因为难以烧着，亦被指代为没有用的东西。民国时期，大面值钞票泛滥，导致通货膨胀，币值狂跌。金圆券的面额，从一元增加到千万元，市民生活苦不堪言，就将金圆券比作湿柴，喻指其冇用、不值钱。后来，因为小面值的钞票流通于市井之间，时间长用得多就容易湿软残旧，所以大家慢慢习惯将零碎的小面值钞票称为湿柴。

　　造句：阿妈平时买菜，储埋一堆湿柴，小数怕长计，竟然够我中午吃餐好嘢啵！