放飞！跟明星去玩

　　连续8天的超长“黄金周”即将来临，相信大家已经按捺不住想去周围玩耍嘅心情。近排明星们打紧头阵，喺真人show行遍山川河海，睇遍灯火阑珊：蔡思贝化身美女导游带你游欧洲；黄宗泽“做东”邀请好友一起玩游戏；吴磊“千里走单骑”，将爱好变大制作。不如follow住明星嘅视角，搵定一个目的地啦！

　　郭玮/文  海报、剧照/图

　　

　　同靓女出埠

　　被认作“人肉发电机”、香港小姐出身嘅蔡思贝，继早前为足总杯预热而拍摄嘅《贝游英伦》大获好评之后，今次又扚起心肝靠自己，只身勇闯欧洲！喺《贝游欧洲》里面，佢尝美味有人搭讪，素颜逛街被人关注，体验水着晒靓身材，沉浸式玩转“坐监”等，成个旅程蔡思贝都随心所欲做自己。除咗自己plan晒成个大行程之外，节目组也安排咗“神秘嘉宾”为佢送上惊喜：friend过打band嘅徐肇平、久违不见的亲哥哥等，为佢呢趟single之旅增添咗许多温暖。用21日玩足9个城市，接触各式各样嘅人、饱览城市美景，贝贝似乎玩到上瘾，自言期待再有“贝游德国”做续集。

 

 

 

 

 

　　

　　跟靓仔去野

　　《野挺有趣》可以话係当代后生仔女嘅“脱宅”指南，鲜有参演内地综艺节目嘅黄宗泽，喺呢档节目中化身“港普”显眼包 ，除咗落手落脚参与活动策划，更邀请自己嘅香港好友一起去“野”。同蔡洁摆拍田园大片，厨房友情互怼；与胡鸿钧深水竞技PK，夜晚嗨唱开show……演员之上、歌手之外嘅Bosco综艺感有几强，“野”嘅程度有几深。观众亦通过呢档综艺感受到自然风光嘅独特魅力，喺放松身心嘅同时，认识更多朋友，有观众仲话，睇完节目自己就从“社恐”i人升呢到“社牛”e人行列，从此不再係“孤独精”。

 

 

 

 

 

　　

　　

　　

　　携少年骑行

　　踩单车係吴磊嘅一大爱好，闲暇之余，佢会孭上简单嘅行囊出发。踩踩下单车，吴磊发觉大家对佢嘅行程路线，以及沿途所见所想十分感兴趣，于是将自己拍低嘅素材，包装成个人自制综艺《骑有此理》。节目以Vlog嘅形式播出，时长较短，画面随性冇套路，遇到嘅人、事、物随机唔做作，内容绝对冇花冇假。由于不少镜头都是吴磊自拍角度，骑行时还有种“我已经坐在自行车横杠上”的女友视角感。蓝天白云下畅行，零下雪原冰川中驰骋，高原地带里同艳阳玩耍，追逐星辰与日出，青春赋予佢无限活力。大家可以从“三石弟弟”嘅镜头里，感受祖国大好河山嘅壮丽，以及新生代年轻人嘅朝气蓬勃。