《爱·回家》到广州！欢笑中速递开心与爱

　

　　　中秋前夕，香港TVB超长处境剧《爱·回家之开心速递》嘅8位“熊家人”嚟到广州，陪剧迷们提前过节。除咗同大家玩游戏亲密接触之外，仲大派礼物送温暖，喺现场欢笑中速递开心与爱，令到剧迷都好惊喜。

　　郭玮/文  埋堆堆、剧照/图

 

　　“熊家人”现场“放水”

　　

　　今次嚟到广州同剧迷互动嘅“熊家人”，包括有刘丹、单立文、滕丽名、吕慧仪、周嘉洛、吴伟豪、古佩玲、陈浚霆。虽然係第一次同广州剧迷面对面，不过“熊家人”全员冇包袱、超亲民。对每位期待合影嘅小粉丝热情以待，收到祝福都会真诚感谢。喺游戏互动环节中，“熊家人”次次都专登放水“助力”参赛嘅观众晋级，力求让每位朋友都可以收获礼物。尽管玩游戏so easy，佢哋都全程投入，同大家玩到尽兴，现场气氛都唔知几欢乐，观众玩到唔舍得走。每位“熊家人”喺送出节日祝福嘅同时，亦表白参演剧集多年嘅心声，感谢大家一直以来的陪伴、见证佢哋嘅成长。剧迷成日话：“冇速熊月饼嘅中秋唔完整”，不过“根叔”刘丹今次就未能show出自己嘅独门“踩莲蓉”绝技，只係为到场嘅所有人送上一份礼物——欢声笑语。

　　

 

 

 

 

　　速递欢乐最开心

　　

　　《爱·回家之开心速递》係一部经典嘅港式家庭处境剧，目前播出已经超过6年。由刘丹扮演嘅“熊树根”过着让人啼笑皆非又羡慕不已的生活，一家人都各有个性：争吵不断嘅尚善若水姊妹花，鬼马又百厌的安仔同朱凌凌，不修边幅的树仁阿叔，同埋新晋sweet代表“风神CP”等。大家看似水火不容互不相让，其实佢哋係默契无比嘅欢喜冤家，斗嘴后亲情急速升温，喐手喐脚间增添耍花枪嘅小情趣。因为家庭温暖，即使有拗撬都坚持住埋一起；因为珍惜友情，佢哋斗到拆天都依然咁friend；因为全员有爱，喺埋一起就会开开心心。呢部电视剧之所以能够长做长有，就係因为佢贴地嘅剧情，係观众日常生活嘅真实写照，让人产生强烈共鸣。“熊家人”特别提到，佢哋希望借住《爱·回家》传递爱、速递欢乐，令大家每日都好似过节咁开心，佢哋亦会争取更多机会与大家互动，只要有大家嘅支持，就会有更多惊喜出现喺剧集。

 

 

 

 

　　

　　

　　

　　有爱moment 大晒冷

　　

　　最权威发言-熊树根

　　“丹爷”刘丹作为现场最资深嘅男演员，从《真情》开始，到《皆大欢喜》再到依家嘅《爱·回家》，佢喺剧集中陪伴咗大家数十个春秋，可谓“处境剧之王”。佢觉得拍剧已经唔单止係要有敬业精神，而係变成自己嘅一个责任，係向大家传播港剧精髓嘅重要方式。

　　

 

　　最sweet CP-风神CP

　　素素同龙璟风呢pair CP，加入“熊家”嘅日子唔长，但是收获了超多观众嘅喜爱。当日两人喺现场虽然相距最远，甜度却係最高嘅。玩互动游戏时，佢哋静鸡鸡在背后互相搀扶兼拉埋手仔，将戏内嘅甜蜜延续到戏外，真係羡煞旁人。

　　

 

　　最鬼马兄弟-安凌组合

　　

　　金城安与朱凌凌组成嘅“兄弟档”都好受欢迎，喺佢哋“离家出走”拍外剧嘅时候，观众非常期待佢哋再次回家，继续发送笑弹。最近佢哋终于“学有所成”、回归剧集。牙尖嘴利嘅嘉洛讲到，无论自己出演咩剧，扮演咩角色，都係为了传递快乐俾大家。