AGA：做个独特自己

　　

　　

　　AGA江海迦知道我哋Color厨房係个倾心事嘅好地方，喺佛山站嘅show后即刻就嚟打卡啦。今次佢除咗吐露自己佛山开show嘅感受之外，仲喺整甜品嘅时候，分享咗啲成长小秘密俾我哋知，一起嚟试食AGA嘅“秘密小甜饼”啦！

　　

　　郭玮/文  经纪公司提供、秦丽莹/图

　　

 

　　

　　暌违五年的感动

　　

　　结束红馆嘅“ONEDERFUL LIVE”，AGA马不停蹄就嚟到佛山举行演唱会。为咗令大家感受到呢场show最原汁原味嘅精彩，佢哋特别还原咗红馆嘅舞台装置，不过因为佛山站嘅演出场馆会高啲，所以AGA从高台登场嘅时候，都有少少紧张。完美嘅舞台换来歌迷热烈嘅支持，AGA话最感动嘅moment就係大合照的瞬间，全场亮起手机灯为佢打call，令佢觉得一切都非常值得。时隔五年，AGA再次嚟到佛山，依然记得嗰度啲歌迷热情嘅呼声。AGA仲回忆到，以前只要自己开show就会落雨，但今次红馆演出就啱好避开咗早前杀伤力好大嘅台风，演出非常顺利，睇嚟係一个好好嘅开始。

　　

　　

 

 

 

 

　　十年成长的美好

　　

　　喺首场“ONEDERFUL LIVE”上，AGA同陈奕迅同台首次演绎咗live版《Special  One》，不久呢首单曲更全平台上线。歌曲中嘅男女主角都係大家眼中嘅“怪人”，但佢哋互相欣赏对方独特的美。AGA希望借呢首作品，表达一种无需在意世俗眼光，安心做最真实自己嘅谂法。其实呢首歌佢喺十年前就已经写好demo，今次可以同Eason合作，感觉非常梦幻。今年啱好又係佢出道第十年，讲到自己嘅成长，AGA话自己嘅心态变咗好多，学识咗点样同自己相处：睇翻自己嘅作品，以前可能係情窦初开嘅小女孩，好多“why”想问，依家就会对自己释怀、放手。AGA仲提到，以前单身嚟睇佢show嘅朋友，今次都带住自己嘅另一半再嚟睇佢嘅演出，感觉非常美好。

　　

　　

 

 

 

 

　　专心致志的魅力

　　

　　AGA平时都有自己焗点心嘅习惯，唔需要登台演出嘅时候，就会自己整西餐、放肆一下。但佢就话，如果要拣一款“最屋企”嘅味道，佢会拣妈咪整的“咕噜鸡柳”： “佢个酱汁，有一种妈咪先整得出的味道！” 讲起自己妈妈，AGA话好佩服佢嘅心灵手巧： “佢试过用手工还原一条百年老街出嚟噶。”相比而言，AGA就自愧不能一心二用，喺Color厨房整曲奇嘅过程中，佢不时都会停低手中的操作，谂一谂点介绍新歌或者演唱会嘅细节，小表情仲带啲鬼马添。佢仲自曝，自己试过在写歌间隙焗蛋糕，结果因为太投入创作，最终蛋糕焗焦收场。AGA係一个“忠于原味”嘅人，愿意为咗食一件牛角包而早起，一碗好味嘅白饭、菜心亦能令佢觉得窝心，喺佢同可乐君一起整曲奇嘅最后一步，AGA更为每块曲奇打上“爱的烙印”，注入自己嘅心意。今次嘅成品松脆可口，“试食官”们都赞不绝口、回味无穷。