许靖韵：十年成长 全因有爱

　　

　　由不露面的“小背心”，到《创造101》的“K歌之王”，再到“乘风破浪的姐姐”，Angela许靖韵出道10年，成长咗几多？乜事会俾到佢前进嘅动力？最近，Angela正准备举行“情歌告白”演唱会，我哋提前嚟听听佢对成长的告白啦。

　　郭玮/文  李明珍、经纪公司提供/图

　　

 

　　

　　音乐不止是情歌

　　

　　Angela啱啱推出嘅新歌《偷东西的女孩》，同佢过去嘅作品相比有好大唔同。以前Angela唱过嘅情歌，唔少都係诉说失恋、自己受到伤害，而今次新歌改变填词嘅角度，将Angela塑造成感情的“加害者”，之前佢都出过类似风格的《I’m sorry》，但新歌嘅“背叛感”会更强烈一啲。讲起音乐创作，Angela笑咗一下话，灵感呢家嘢，你逼自己係冇用嘅，反而有时搭地铁嘅时候，会突然灵机一动、脑海出现一段melody，嗰个moment佢就会即刻用手机mark低做素材。Angela唱情歌比较多，但音乐唔止係情歌，佢话未来会考虑创作多啲正能量嘅作品，以前曾经唱过《被讨厌的勇气》，唱到“打击中自尊总可铸炼”令佢觉得非常感动，让人变得坚强有韧性。

　　

 

 

 

 

 

　　身份可以多元化

　　

　　由翻唱到自己创作，Angela已经将音乐玩得游刃有余了。过去有机会参演影视作品，对佢嚟讲係个新尝试，佢仲透露接下来有佢参演嘅影视作品会出街。除咗影视方面，依家大热嘅综艺节目佢都有关注，竞技闯关、旅游观光甚至恋综“食花生”嗰个“职位”，佢都觉得好正、好想尝试。唔少朋友仔发现Angela经常画画，听到呢个问题佢竟然忍唔住大笑起来，原来佢认为自己啲画功十分“水皮”，但歌迷又中意鼓励佢多创作，所以不知不觉都储起咗唔少令人无语嘅画作噶。Angela特别借我哋嘅镜头喊话：“如果有教画画嘅综艺，希望可以教下我！” 既係演员，又係歌手，仲想试下做综艺咖嘅Angela话，按满分係10分为标准，佢俾自己8分，凡事都应该留2分先可以更好地进步！

　　

 

 

 

 

 

　　大胆说出心中爱

　　

　　今年係Angela出道第十年，佢话自己最大嘅收获就係有各种风格嘅舞台。佢回忆起，当初参加《创造101》嘅时候，以素人心态上节目，冇乜压力但充满期待；今年佢以“姐姐”嘅身份上《乘风2023》，从被路透开始就已经压力值拉满，经验多咗，对自己嘅要求也会升呢，有压力就会更有动力。歌迷同家人一直都係佢最有力嘅后盾，讲讲下佢仲show出自己手机嘅屏保俾我哋睇，照片中嘅“家人”包括两只可爱嘅狗狗，每日有佢哋嘅陪伴，想要进步嘅动力就会翻倍。一直被爱嘅Angela，将喺10月27日举行“情歌告白”演唱会，用直白嘅主题鼓励大家勇敢说出心中所爱，无论爱情、友情、亲情，都会成为你源源不断嘅成长能量。