一人一狗 浪漫独处

　　

　　工作之余，大家总想要远离喧闹，一人独处放空下自己。今期color搵咗两间适合独处又唔会孤单的咖啡店，匿埋喺度唔使担心俾人打扰，仲有可爱狗狗静静陪伴，一起享受惬意的独处时光啦！

　　饶禧/文 吴雨晨/图

　　

　　可爱小柴治愈你

　　

 

　　爱上“小店长”

　　

　　开喺社区楼下嘅呢间“Open Dog Coffee”咖啡店，店铺偏向红白简约装修风，路过都会被门口简洁嘅红色门牌而吸引。入到去，你会发现有一只柴犬狗狗坐定定欢迎你，尽职尽责嘅狗仔“小店长”呵呵，睇个样你以为佢好高冷，但私底下“来者不拒”，任撸都唔反抗。店铺远离车水马龙，店主就把呢度打造成“呵呵嘅小世界”，处处都放着自己设计的狗狗周边，就二楼仲挖咗个窿仔畀“呵呵”伸出头来“看店”，结果高度太高导致“呵呵”每次都要垫起脚尖先望到外面，冇谂到竟然成为得意嘅“小心思”！

　　

　　

 

 

 

 

 

　　break一下

　　来这里，买杯咖啡、放松心情，享受“一人一狗”的浪漫时光。每周四，店内仲有个特色“宠物友好日”，大家只要带上自己的爱宠过来，都可以享受到优惠！唔少养狗人士遛完狗就会过来买咖啡，睇到有friend来，住喺附近嘅店主都会落楼同大家倾计。除咗环境舒适，店内飘起的香味亦都令大家驻足。招牌嘅水果华夫饼，现烤现出，香味浓郁，惹到高冷的“呵呵”都忍唔住望过来“求关注”。水果华夫饼松软入味再搭配新鲜嘅蓝莓、浓稠酸奶，饱肚之余又唔会太过甜腻，最后再点多杯特色菠萝冷萃，冰镇菠萝汁搭配咖啡香气，口感清爽，最适合炎热天气、解暑降温啦。

 

 

 　　水果华夫饼

 　　菠萝冷萃

 

　　Open Dog Coffee

　　地址：荔湾区曼宁街1号408铺

　　营业时间：周一至周日 09:00-19:00

　　哈巴狗狗陪伴你

 

　　

　　天生乐观派

　　呢间拥有秋色装潢嘅“Silly Dog Coffee”，一开铺就吸引唔少朋友过嚟打卡。由瓦片屋顶和木制桌椅组成嘅店铺，睇落简约又温馨。店内飘散着咖啡香气和旧桌椅木香，令人不自觉放松心情。店铺虽然唔算好大，但每个位置都可以坐得舒适，每个角落都暗藏心思，放喺墙上和桌上嘅书法作品个性独特，店铺布置得好适合出片。而店铺名译成中文叫做“傻狗咖啡”，其实係因为主理人有只叫“坦克”的哈巴狗，虽然样望落好愁，但其实佢过得无忧无虑、自由自在！主理人希望大家都可以好似“坦克”咁，做一个天生乐观派，来到店内有佢嘅陪伴，心情会更好。

　　

 

 

 

 

 

　　咖啡大啖饮

　　主理人认为，饮咖啡和做咖啡都係一件认真且放松嘅事。呢度嘅每道出品都会配上卡片，给客人讲解咖啡的故事和饮法。店内最受欢迎嘅dirty，就要喺十秒内饮第一口，而且仲要大口喝，先可以直观感受热咖啡与冰鲜奶撞入口中的顺滑层次感。而纯白嘅可尔必思柠檬苏打，用佢嘅颜值和口感拿捏食客的心，气泡绵密、酸酸甜甜又解腻。而新出嘅“蓝莓乳酪法式吐司”，啱出炉时外焦内软，再搭配奶酪和蓝莓融合的独特风味，仲会令人有种“小清新”的感觉。

　　

 　　可尔必思柠檬苏打

 

 

 　　dirty

　　Silly Dog Coffee

　　地址：越秀区中山四路大塘街24号

　　营业时间：周一至周二、周五至周日 09:00-21:00

　　周三至周四11:00-19:00