气氛迷幻 室内运动升温!

　　

　　唔想喺户外暴汗又想喐一喐？来一场室内运动game，大家都会好受落，既可以清清爽爽叹空调，又可以运动健身、释放压力。Color君发现，现在的室内运动店又有新玩法，唔单止可以满足你的暴汗需求，玩耍拍照都特别有氛围感，千祈唔好错过啦！

　　饶禧/文 黄译萱/图

　　

　　赛博方块Jump

 

　　暴汗释放压力

　　

　　游戏场景具有赛博朋克元素，多彩方格的不断移动，给玩家带来不一样嘅视觉冲击，搭配多彩的灯光烘托气氛，令成个场景更具科技感，打卡影相劲出片。游戏开始时仲会播放动感音乐，每一关卡的音乐都会随着游戏难度而变化，闯关难度亦都从绿色固定喺中间，到红色格子追着玩家跑，令玩家可以完全沉浸喺游戏中。可以约埋朋友一起参加，亦都可以叫店员帮手邀请陌生人一起组队，人数最好控制喺4-6人左右，体验感最佳。喺快节奏嘅游戏下，大家会越来越有默契、越来越合拍！

　　

 

 

 

 

　　享受动感氛围

　　

　　位于北京路嘅呢间室内沉浸式闯关游戏店——方格大战，係近期hit爆嘅团建首选game。游戏源自多伦多，玩法简单易懂，玩家们要根据地上嘅唔同颜色灯块快速移动，见到红色格子要立即避开，见到绿色格企上去休息片刻，想要通关成功就要踩上去“消灭”嗮蓝色嘅格子啦。一轮游戏有20分钟，不间断地跑跑跳跳，可以达到40分钟暴汗效果，既健身又能够尽情释放压力。多人运动需要考验大家嘅团队配合能力，用身体与大脑搭配，成功通关时真係会特别快乐噶。而且唔使担心出汗搞到成身汗味，室内全天冷气开放，再热都唔使惊啦！

 

 

 

　　方格大战（北京路光明广场店）

　　营业时间：周一至周日 10:00-22:00

　　地址：西湖路光明广场5楼501号

　　

　　蒸汽滑轮skate

　　

 

　　秒回年少时

　　讲到上世纪80、90后的青春回忆，唔少人都试过喺溜冰场滑雪屐。但等我们长大，好多溜冰场已经渐渐消失，但龙归市场内嘅呢间“飞舞溜冰场”仍然热火朝天。门票价格维持喺20蚊，呢个价钱可以玩足整日嘅地方已经唔多啦！雪屐场内有五颜六色嘅炫彩霓虹灯，充满岁月划痕嘅墨绿色地板，再搭配上头嘅“土味dj”舞曲，带你一秒回到年少时。店内装备齐全，阿姨会提供消毒过嘅双排旱冰鞋同一次性鞋套，仲会开大风扇保证场内凉爽，免费存包处亦可以令玩家们轻松上阵。场内人唔算太多，喺忽明忽暗嘅灯光下，偶尔遇到轮滑高手，仲会上演一场速度与激情喔。

　　

 

 

 

 

　　约会好地方

　　滑冰场仲係复古蒸汽波风格，从进入楼梯口到场内，到处都係五颜六色嘅霓虹灯，再搭配经典disco旋转大灯球，仿佛时光倒流到了千禧年。带上胶片机，摆翻几个pose，复古大片任意出。呢度除咗可以打卡童年回忆，更成为约会的好去处。两人起步时互相搀扶，不经意嘅暧昧肢体接触，俾晒机会小情侣们，处处都能迸发粉红泡泡。等到彼此都熟悉后再不经意的手拉手，一起慢慢兜圈，彼此嘅情感好容易升呢！

　　

 

 

 

 

　　飞舞溜冰城

　　营业时间：周一至周日 12:00-22:00

　　地址：竹仔园街3号东80米