IP联名 快到我枱面来！

　　

　　现在的饮料界，动不动就搞IP联名，等你见到自己钟意嘅IP，就会忍唔住去买翻杯来支持下。但辛苦买到嘅“联名款”，饮完的杯子、袋子、杯套就只能存着？那也太可惜了！今期 Color君以瑞幸同“猫和老鼠”联名的周边，教大家变废为宝，将收集到嘅宝贝变成好睇又实用嘅用品，日日陪住我哋！

　　

　　黄译萱/文 饶禧/图

　　　　

 

 　  饮料杯变笔筒

　　

　　想帮饮料杯变身，最简便嘅方法就係将佢整成笔筒，只要将杯盖、杯身稍微改装下，就可以做出一个造型得意嘅笔筒啦！如果你係DIY高手，仲可以设计一啲可爱小机关，比如识摇摆嘅公仔，或者让佢变身小夜灯。只要学下呢个基础款，想要玩出其他花样就唔难啦！

　　

　　

 

 　　  材料：纸杯、贴纸、剪刀、美工刀、双面胶、废纸皮

　　

 

 　　  1、将饮料杯洗干净，杯子顶部白色部分裁掉，留下足够高度。

 

 　　  2、用美工刀切开杯盖顶部，边缘粘上双面胶，将杯盖扣喺杯口。

　　

 

　　3、挑选中意嘅图案，用硬纸板加固背面，就可以竖起来、贴喺杯盖边上。仲可以设计一啲小机关，让图案摇摆起来哦！

　　

 　　成品

 　　  纸袋变纸巾盒

　　

　　饮料品牌联名的布袋，就话可以充当打工人上班通勤袋，但今次只有联名的纸袋。虽然纸袋冇咁结实，但上面嘅图案又真係好得意，可以点搞呢？咁就不如减少佢嘅负重，Color君会将佢改造成纸巾盒，加啲贴纸做装饰，佢就可以放喺枱面一直陪住你啦！

　　 

 

 　　 材料：纸杯、贴纸、剪刀、美工刀、双面胶、废纸皮

　　

 

　　1、根据纸巾大小和纸袋图案，规划并标记好要裁剪嘅区域。

　　

 

　　2、剪低手柄留下备用，再按照标记位置剪去唔要嘅部分，如果想要有立体图案，可以将卡通图案部分留低。

　　

 

　　

 

 　　  3、把纸巾放入袋中，再喺纸袋左右两边各挖一个窿（可以先用剪刀剪个十字），把手柄穿过并打个绳结固定，以后想换纸巾的时候，直接拆开条绳就得啦！

　　

  　　成品

 　　  杯套变相框

　　

　　把饮料杯套同拍立得相纸盒结合起身，就可以得到一个有纪念意义又吸睛嘅相框，一个方案可以解决两件“废品”呢！从杯套剪下来的图案结实，而且立体效果好，只需要简单嘅剪贴就可以制作好相框装饰，非常适合“手残党”。如果你手边冇拍立得相纸盒，攞一个旧相框，或者喺两张硬纸皮中间挖个窿，都可以完美替代。

　　

　　

 

　　材料：杯套、纸袋、剪刀、双面胶、废弃拍立得纸盒

　　

 

 　　  1、把杯套上钟意嘅图案裁剪出来作为原材料，提前设计好相框的样式。尽量拣啲尺寸比较小嘅图案做素材，然后喺图案背面贴上双面胶、备用。

　　

 

　　2、从纸袋上剪出纸条，黏喺相框边上做装饰，遮住相纸盒本来的底色。

　　

 

　　3、按照你提前想好的样式，先把素材摆上框试下。试啱之后，按照设计、贴上图案。

  　　成品