Pick出心水好声音

　　

　　最近，唔少新的音乐类综艺开波！演艺圈各路艺人，回炉再造“亚洲新星”；新歌打榜歌手show靓声，场景好温馨；跨代歌手齐唱经典靓歌……更多音乐、歌手被发掘，令大家有唔少惊喜，一起来pick你嘅心水啦！

　　

　　郭玮/文  官方海报、剧照/图

　　

 　　偶像扎堆藏龙虎

　　

　　全新偶像选秀节目《亚洲超星团》官宣之后，引发大家嘅高度关注，除咗因为选秀节目久违大家视线外，佢哋嘅阵容亦相当吸引。有曾志伟做“召集人”，节目嘉宾阵容就更唔使愁了，目前公开嘅导师Rian、程潇、朱正廷都係“秀场”精英，《亚洲超星团》pick出嘅新人势必藏龙卧虎。呢档节目旨在重塑年轻一代，朝气蓬勃与健康向上的形象，所以佢集合咗嚟自各国的优秀种子。早前已经喺TVB人气急升嘅丁子朗、已经以idol姿态活跃的李权哲等，都係大家比较熟悉嘅面孔，佢哋将同众多新人同台竞技，争取上位成为最能代表亚洲娱乐水准的偶像，丁子朗更喺采访中提及，为咗更符合选秀节目的角色定位，佢专登染浅色头发、用偏白粉底打造“奶油小生”妆容，大家可以拭目以待。

　　

　　

　　 

 

 

 

 

 　　  Music更温馨纯粹

　　

　　老牌音乐综艺《劲歌金曲》完结之后，TVB另辟蹊径，启动全新节目《J music》畀歌手打歌。唔同于传统节目聚光灯照射嘅绚烂舞台，《J music》将“舞台”放喺一个更温馨嘅空间里面。精心布置细节嘅吧台，收音机、唱片、星光灯点缀的环境，一班热爱音乐嘅人欢聚一堂，唱新歌、听旧曲、倾闲计、讲心事，将一场打歌宴玩成歌友的聚会。呈现真实的歌声，大家要讲出真诚的评价，唔单止还原咗作品嘅纯粹，更令大家喺音符中得到彻底嘅放松。唔少观众隔住屏幕都觉得自己身临现场，沉浸式感受到音乐的魅力，我哋啲friend曾比特、胡鸿钧、许靖韵等歌手，都係上过呢个节目噶。喺节目嘅最后，特别设有《Gi心批》环节，由GiGi炎明熹读出粉丝来信，并解答佢哋心中嘅困惑，玩转流量密码。

　　

　　

 

 

 

 

 

 　　   跨代舞台更精彩

　　

　　《我们的歌》全新一季嘅口号係“一路为伍，向生绽放”，以华语乐坛老、中、青三代歌手通过“盲选配对”的方式组合献唱。佢哋以歌交友、用音符切磋，互相竞技嘅同时更注重交流与陪伴。旧歌新编、陈曲再响，每位歌手都用自己嘅情绪赋予呢啲音符全新嘅活力，用自己独有的嗓音真诚唱出生命的力量。Color君个friend曾比特，喺首期节目中与A-Lin黄丽玲搭档，用一首《记得》唱出柔软情歌的震撼力量感，而喺第二期舞台上，Mike又搭档“哈林”庾澄庆，唱出《让我一次爱个够》与《情非得已》，如同跨代对话，让观众梦回过去，同时感受到经典历久弥新。