唐文龙：与“龙”共舞

　　

　　上一期，唐文龙跟可乐君去品尝传承百年的“蚝”滋味，体验埋传统“蚝”技艺后，觉得依然未够喉，话要玩啲速度与激情。计仔多多嘅可乐君即刻安排龙哥“水上飞“，去到广州番禺嘅粤龙龙舟训练基地，体验与“龙”共舞嘅快感。

　　

　　郭玮/文  粤龙龙舟队提供、郭玮/图

　　

 

　　水上新“社交”

　　

　　扒龙船係中国端午节嘅传统习俗之一，由战国时期开始，人们通过扒龙船嚟祈求农业丰收、风调雨顺、事事如意，借此承载大家内心美好的希冀。扒龙船早期喺广州係一项宫廷活动，最早可以追溯到五代十国时期嘅南汉，到咗明清时期，龙舟竞技越发鼎盛。2010年，扒龙船入选并成为广州亚运会比赛的正式项目。随着运动全民化的发展，大家现在除咗会喺端午节期间举行比赛之外，日常都有爱好者组队训练，兴起之时仲可以组织竞技，喺传承嘅同时又将扒龙船变成一种“水上社交”，连结至in友情。

　　

　　

 

 

 

 

　　速度与激情

　　

　　传统嘅扒龙船，有好多独特的仪式：为防止龙舟船身发霉，每次龙舟赛后都会把龙舟沉入水底，因为传统龙舟多为松木制作，在水中会越浸越结实，将龙舟从河中挖出，就係“起龙”；龙舟再次出赛之前要进行“点睛”，为龙头点睛寓意祈求顺风顺水，呢个仪式係“请龙”；喺以往，龙船饭係犒劳划手嘅餐食，由糯米、腊肉、虾米、香菇等材料制作而成，惹味又顶饱，后来龙船饭亦渐渐变成一种传统美食。初次体验扒龙船嘅文龙哥，喺教练嘅指导下迅速上手，学识好多技巧，例如挥桨嘅时候唔可以用上身嘅蛮力，腰部同手臂的力量相结合，带动全身嚟挥桨划水就比较科学。喺扒龙船嘅过程中，全身肌肉都可以得到锻炼，文龙哥亦因此十分兴奋，佢话扒龙船啱晒用嚟锻炼背肌，为新剧造型做准备。

　　

　　

 

 

 

 

　　赛后多感慨

　　

　　从热身开始，文龙哥就超级落力，沉浸式感受咗一把传统嘅速度与激情。上岸之后，文龙哥感慨道，玩呢项运动唔单止要有力，仲要掌握节奏同技巧，团队队员之间嘅协作和信任更係必不可少，每次鼓鸣、每声打气，都係团队精神嘅一次升华。粤龙龙舟队代表张文迪都表示，扒龙船係一项体现个人意志力嘅运动，亦係一项可以承载年轻人热情与正义感嘅传统玩物，希望有更多人了解呢门运动嘅艺术，一起体验呢份值得传承嘅速度与激情。

　　

 

 

 

 、

　　Color提醒：《UP在湾区·港见粤闻》会继续带大家学非遗、品美食、玩转非遗手艺。如果想知下次係边位大咖带大家搞搞新意思，记得关注我哋啦！