曹格：从来都不一般

　　

　　久违舞台嘅“金曲歌王”曹格，前段时间喺广州羊城创意产业园中央车站展演中心，举行咗“别具一格”演唱会，舞台视听体验一流，期间唔单止献唱多首自己嘅代表作，更送上唔少经典翻唱畀fans。曹格喺台上同粉丝互动，场面欢乐温馨，miss咗演唱会嘅朋友，就跟住Color君一齐睇现场啦！

　　

　　郭玮/文  主办方提供/图

　　

 

　　经典有共鸣

　　

　　时隔7年再次企上广州嘅舞台，于歌迷而言曹格嘅声音依然熟悉又迷人，每首代表作都能引发大家嘅共鸣。演唱会喺一首经典嘅《寂寞先生》中拉开序幕，呢首作品係曹格喺人生低谷、自我反省时创作，歌词中有孤独、自责嘅感觉，而当晚歌声响起，即时引发全场大合唱，原本忧郁嘅旋律都改变咗画风。包含JAZZ、恰恰等元素嘅《起床歌》，撩起大家嘅兴致，曹格指挥大家一起举起双手跟住节奏打call，普通话、粤语切换流畅，仲猛叫大家“摇大力啲啦”！旋律有些伤感嘅《爷爷》，是曹格为生命中最重要的家人所创作嘅歌曲，不过佢却希望大家可以面带笑容嚟听这首歌，唔好沉浸在悲伤里面。《面具》係一首好少live表演嘅作品，曹格特意将它献给广州嘅舞台，佢希望大家都能开开心心，不要像歌词那样“戴着面具微笑”，因为假装坚强就更容易脆弱。

　　

　　

 

 

 

 

　　浪漫惊喜多

　　

　　当脍炙人口嘅情歌遇上中意玩惊喜嘅浪漫男人，会擦出点样嘅火花？喺大家最期待嘅嘉宾环节，不走寻常路嘅曹格突然话，今晚嘅嘉宾係所有听众，说罢即刻递麦俾台下歌迷，同大家以接力嘅方式一起完成《梁山伯与茱丽叶》，曹格仲氹大家话，今晚自己係罗密欧，现场所有人都係佢嘅祝英台。喺唱到《数到五就答应我》嘅时候，佢同被抽中嘅lucky粉丝又自拍又牵手，玩尽各种浪漫戏码，连男fans都俾佢冧到晕晒浪。心系屋企人嘅佢，特别唱咗《Close to you》，佢话呢首歌係仔仔Joe 嘅摇篮曲，每次唱起这段旋律，佢都会谂起屋企人嘅支持与爱。

　　

　　

 

 

 

 

 

 

　　“联动”变告白

　　

　　曹格擅长多种语言，当晚除咗翻唱对自己有特殊意义嘅普通话作品之外，佢仲喺自己的歌单里面，特别加入咗“哥哥”张国荣嘅《今生今世》《追》，歌词最后一句——“有了你，即使沉睡了，也在笑”，原来係佢对大家嘅告白，感谢粉丝一路以来的支持，亦送上对大家的祝福。曹格翻唱好朋友侧田嘅代表作《男人KTV》，成为当晚气氛最嗨时刻，两位乐坛唱将梦幻联动，触发大家无限的感动。曹格话，排名、攞奖其实唔重要，佢嘅世界唔可以没有音乐，只要大家中意佢嘅作品，佢就心满意足了。同时，佢仲透露明年将会推出全新嘅音乐专辑，大家不妨期待一下。